धादिङ नेपाली समाज अमेरिकाको अध्यक्षमा हिमाल सागर अधिकारी चयन

धादिङ,१ असार
धादिङबाट अमेरिका गएर बसोबास गर्दै आएकाहरूको साझा संस्था धादिङ नेपाली समाज अमेरिकाको अध्यक्षमा हिमाल सागर अधिकारी चयन हुनुभएको छ ।

आइतबार सम्पन्न चौथो अधिवेशनबाट अध्यक्षमा गंगाजमुना गाउँपालिकाका हिमाल सागर अधिकारी हुँदा वरिष्ठ उपाध्यक्षमा राजकुमार गुरुङ, उपाध्यक्षमा राम मल्ल ठकुरी, महासचिवमा हरि गिरी, सचिवमा बलराम श्रेष्ठ(रमन) कोषाध्यक्षमा एलन तामाङ र सह कोषाध्यक्षमा रामचन्द्र उप्रेती चयन हुनुभएको छ ।

यस्तै सदस्यहरूमा अमिर तामाङ,अर्जुन वोगटी,बिबेक बर्जाचार्य,दिनेश नहकर्मी,किसान अधिकारी,मनिराम भट्ट नविन रिजाल,राज कुमार श्रेष्ठ,रेसम अधिकारी,संन्दिप धरेल,श्रीराम खतिवडा र देवेन्द्र गिरी चयन हुनुभएको छ ।

नयाँ कार्यसमिति गठनका लागि निर्वाचन प्रमुखमा रामहरि अधिकारी र सदस्यद्वयमा दिवाकर पाण्डे र कुलप्रसाद गौली रहनुभएको थियो । धादिङ नेपाली समाज अमेरिकाले जिल्लामा विभिन्न सामाजिक कार्यहरु सन्चालन गर्दै आईरहेको छ । जिल्लामा अप्ठेरो परेको बेला वा विपत्ति जस्ता घट्नामा आर्थिक सहयोग गर्नुको साथै विद्यालयमा शैक्षिक सामाग्री वितरण,स्वास्थ्य शिविर लगायतको कार्यहरु सन्चालन गर्दै आईरहेको छ ।