धादिङमा १० हजार ३१ जनाले कांग्रेसको क्रियाशील सदस्यता अद्यावधिक गरे

धादिङबेशी,२९ जेष्ठ । नेपाली कांग्रेस धादिङमा क्रियाशील सदस्यता अद्यावधिक गर्ने सदस्यको संख्या १० हजार नाघेको छ। निर्धारित समयभित्र जिल्लाभर १० हजार ३१ जनाले क्रियाशील सदस्यता अद्यावधिक गरेका छन् भने २ हजार ७ सय २८ जनाले नयाँ क्रियाशील सदस्यताका लागि आवेदन दिएका छन्।

जिल्लामा सबैभन्दा धेरै नीलकण्ठ नगरपालिकाबाट २ हजार ८ सय ९४ जनाले सदस्यता अद्यावधिक गरेका छन्। त्यसपछि ज्वालामुखी गाउँपालिकाबाट १ हजार ३ सय ९८, त्रिपुरासुन्दरी गाउँपालिकाबाट ९ सय ९२, सिद्धलेक गाउँपालिकाबाट ७ सय १, धुनिवेशी नगरपालिकाबाट ६ सय २४ तथा नेत्रावती डबजोङ गाउँपालिकाबाट ५ सय २६ जनाले सदस्यता अद्यावधिक गरेका छन्।

त्यसैगरी गजुरी गाउँपालिकाबाट ४ सय ७७, गल्छी गाउँपालिकाबाट ४ सय ६९, गंगाजमुना गाउँपालिकाबाट ४ सय ६६, खनियावास गाउँपालिकाबाट ४ सय २१, बेनीघाट रोराङ गाउँपालिकाबाट ४ सय १४, थाक्रे गाउँपालिकाबाट ४ सय १ तथा रूवीभ्याली गाउँपालिकाबाट २ सय ४८ जनाले सदस्यता अद्यावधिक गरेका छन्।