रोमनमा मोबाईल किन्दा स्कुटर उपहार

धादिङबेशी । धादिङको रोमन मोबाइल पसलले सञ्चालन गरेको “रोमन बम्पर उपहार” योजना अन्तर्गत रुबीभ्याली गाउँपालिकाका मान घले स्कुटर विजेता बन्नुभएको छ ।

वि.सं. २०८२ सालभरि रोमन मोबाइल पसलबाट मोबाइल तथा एसेसरिज खरिद गर्ने ग्राहकहरूमध्ये गरिएको लक्की ड्रमार्फत घलेले हिरो कम्पनीको जुम स्कुटर जित्न सफल हुनुभएको हो ।

धादिङबेसीमा आयोजित एक विशेष कार्यक्रमका बीच विजेताको घोषणा गरिएको थियो । यद्यपि, स्कुटर हस्तान्तरण कार्यक्रम भने केही दिनभित्र सम्पन्न गरिने पसलका प्रोपाइटर राम श्रेष्ठले जानकारी दिनुभएको छ । कार्यक्रममा सहभागी अन्य ग्राहक तथा उपस्थित दर्शकहरूलाई समेत विभिन्न आकर्षक उपहारहरू वितरण गरिएको थियो । जसअन्तर्गत टेबल फ्यान, प्रेसर कुकर, बार फोन, इमरजेन्सी लाइट, घडी तथा इयरबड्स जस्ता सामग्रीहरू प्रदान गरिएको श्रेष्ठले जानकारी दिनुभएको छ ।

रोमन मोबाइल पसलले ग्राहकप्रति आभार प्रकट गर्दै आगामी दिनमा पनि यस्ता योजनाको निरन्तरता दिने प्रतिबद्धता जनाएको छ ।