धादिङमा गणितीय हाजिरीजवाफ प्रतियोगिता आयोजना हुँदै

धादिङ,११ माघ

विद्यार्थीहरूमा गणितप्रति सकारात्मक धारणा विकास गर्ने, उच्चस्तरीय ज्ञान अभिवृद्धि गर्ने तथा प्रतिस्पर्धात्मक क्षमता बढाउर्ने उद्देश्यले गणितीय हाजिरीजवाफ प्रतियोगिता–२०८२ हुने भएको छ।गणित शिक्षा परिषद् जिल्ला शाखा धादिङले आयोजनामा फागुन ७ गते नीलकण्ठ बालमन्दिर माध्यमिक विद्यालय, धादिङबेसी सञ्चालन हुने भएको हो ।

प्रतियोगिता छनोट चरण र अन्तिम प्रतिस्पर्धात्मक चरण गरी दुई चरणमा सञ्चालन हुनेछ। कक्षा १० सम्म अध्ययनरत विद्यार्थीहरूलाई लक्षित प्रतियोगितामा समूह तथा अंक गणित, बीजगणित, क्षेत्रमिति, तथ्याङ्क, स्थानान्तरण, Visual Round, Rapid Fire तथा Buzzer Round लगायतका विविध चरण समावेश गरिनेछ। Rapid Fire / Buzzer Round मा नेगेटिभ मार्किङ को व्यवस्था पनि गरिएको छ। प्रत्येक विद्यालयबाट ३ जना विद्यार्थी र १ जना गणित शिक्षक सहभागी हुन सक्नेछन्।

प्रतियोगितामा उत्कृष्ट प्रदर्शन गर्ने सहभागीहरूलाई आकर्षक पुरस्कार प्रदान गरिनेछ। प्रथम पुरस्कार नगद रु. ६,०००, द्वितीय पुरस्कार नगद रु. ४,५००, तृतीय पुरस्कार नगद रु. ३,००० तथा सान्त्वना पुरस्कार नगद रु. १,५०० सहित मेडल, प्रमाणपत्र, ट्रफी र शैक्षिक सामग्री प्रदान गरिने आयोजकले जानकारी दिएको छ।आयोजक संस्थाले सहभागी हुन इच्छुक विद्यालय तथा विद्यार्थीहरूलाई फागुन १ गतेभित्र अनिवार्य सम्पर्क गर्नुपर्ने आयोजकले जनाएको छ ।