सिद्धलेकमा मानव अधिकार, सामाजिक न्याय र उद्यमशीलता सम्बन्धी तालिम संचालन

धादिङ,१२ असार
सिद्धलेक गाउँपालिकामा मानव अधिकार, सामाजिक न्याय र उद्यमशिलता सम्बन्धी क्षमता अभिवृद्धि तालिम संचालन गरिएको छ। महिला सेवा समिति, नेपालको आयोजना तथा सिद्धलेक गाउँपालिका कार्यलयको सहकार्यमा असार १२ गतेदेखि सुरु भएको तालिम असार १६ गतेसम्म संचालन हुनेछ।
तालिममा गाउँपालिकाका जनप्रतिनिधि, कार्यपालिका सदस्यहरु, सातवटै वडाका सदस्यहरु, राजनीतिक दलका महिला प्रतिनिधिहरु, उद्यमी, शिक्षकसहित ११५ जना भन्दा बढीको सहभागिता रहेको छ।तालिममा मानव अधिकार, सामाजिक समावेशिता, उद्यमशीलता, नेतृत्व विकास, राष्ट्रिय तथा अन्तर्राष्ट्रिय मानव अधिकारका मापदण्ड, सामाजिक न्यायका अभ्यास र नेपालको संविधानले स्थानीय तहलाई दिएका २२ वटा अधिकारहरूमा महिलाहरूको सहभागिता बढाउने विषयमा गहिरो छलफल गरिने छ।

कार्यक्रममा गाउँपालिका अध्यक्ष परशुराम खतिवडाले गाउँपालिकाले महिलाहरुलाई प्राथमिकता दिएर कार्यक्रमहरु ल्याएको बताउनुभयो । कार्यक्रमले नीति निर्माण तहमा महिलाको प्रभावकारी सहभागिता सुनिश्चित गर्न मद्दत पुग्ने बताउनुभयो । उपाध्यक्ष सविता अर्यालले महिलाको आत्मनिर्भरता र नेतृत्व क्षमताको विकासका लागि यस्ता तालिमहरू आवश्यक रहेको बताउनुभयो । “समान अवसर र अधिकारका लागि महिलाहरू सशक्त हुनु जरुरी छ, यसतर्फ यस्ता कार्यक्रमले ठुलो टेवा पु¥याउँछ,”उहाँले भन्नुभयो ।तालिममा सहभागीहरूले प्राप्त गरेको ज्ञान र सीपलाई समुदायमा प्रयोग गरेर सामाजिक परिवर्तनमा टेवा पु¥याउने प्रतिबद्धता जनाएका छन्।