मुलचोक बजार टोल विकास संस्थाको अध्यक्षमा पुनः कुल बहादुर झ्यारी मगर निर्वाचित

धादिङ,१७ जेठ
नीलकण्ठ नगरपालिका वडा नम्बर ३ मा गठन गरीएको मुलचोक बजार टोल विकास संस्थाको १२ औँ साधारण सभा तथा ५ औँ अधिवेशन सम्पन्न भएको छ । शनिवार होटल जनजिविकामा एक कार्यक्रमको बिच ५ औँ अधिवेशन सम्पन्न भएको हो । संस्थाको अध्यक्ष कुल बहादुर झ्यारी मगरको अध्यक्षतामा सम्पन्न भएको कार्यक्रममा टोल विकास महासंघ धादिङका अध्यक्ष नर बहादुर श्रेष्ठको प्रमुख आतिथ्यता रहेको थियो ।

अधिवेशनबाट पुनः कुल बहादुर झ्यारी मगरको अध्यक्षतामा नयाँ कार्य समिति चयन गरीएको छ । समितिको महिला उपाध्यक्षमा कमला श्रेष्ठ,सचिवमा बुद्धि बहादुर थापा,कोषाध्यक्षमा राजकुमार श्रेष्ठ निर्बिरोध निर्वाचित हुनुभएको छ । इसैगरी सदस्यहरुमा तेज कुमारी सिलवाल,खेम बहादुर श्रेष्ठ,गोकुल न्यौपाने,रामबहादुर बस्याल,गोकुल मगर,गीता श्रेष्ठ र फुलमायाँ रानामगर निर्वाचित हुनुभएको छ ।