ज्वालामुखीको शमीभञ्ज्याङ्ग मा.वि.मा बाल क्लब र युरेसको नेतृत्वको लागि निर्वााचन हुदै

धादिङ,१६ जेठ
धादिङको ज्वालामुखी गाउँपालिका–३, मैदीमा रहेको शमीभञ्ज्याङ्ग माध्यमिक विद्यालयले विद्यार्थी नेतृत्व चयन गर्नका लागि निर्वाचन तालिका सार्वजनिक गरिएको छ ।विद्यालय व्यवस्थापनको निर्णय अनुसार बाल क्लव र यूरेस अन्तर्गत विद्यार्थी प्रतिनिधि चयनको लागि निर्वाचन हुन लागेको हो । जेठ १९ गते निर्वाचन प्रक्रिया सञ्चालनको लागि तयारी तिव्र पारीएको छ ।

निर्वाचन प्रक्रिया पूर्णरूपमा पारदर्शी, निष्पक्ष तथा शान्तिपूर्ण वातावरणमा सम्पन्न गर्न सबै विद्यार्थी, शिक्षक तथा सरोकारवालालाई सहकार्यको आग्रह गर्दे निर्वाचन प्रक्रियामा सहभागी हुनको लागि विद्यार्थीहरुलाई विद्यालयले आग्रह गरेको छ ।निर्वाचनका लागि अध्यक्षमा २, उपाध्यक्षमा २, सचिवमा ४ र कोषाध्यक्षमा २ जनाको उम्मेदवारी परेको निर्वाचन अधिकृत नवराज सापकोटाले जानकारी दिनुभयो ।

मतदाता नामावली, उम्मेदवार सूची प्रकाशन, चुनाव चिन्ह वितरण, मौन अवधि, प्रचारप्रसार समय लगायतका सम्पूर्ण चरणहरू सुव्यवस्थित तालिका अनुसार तय गरिएको छ ।जेठ १९ गते बिहान १ बजे देखि ३ बजे सम्म निर्वाचन गर्ने कार्यतालिका सार्वजनिक गरिएको हो ।
यस्ता निर्वाचन प्रक्रियाले विद्यार्थीहरूमा लोकतान्त्रिक अभ्यास, नेतृत्व विकास गर्नको लागि निर्वाचनले विद्यार्थीहरुलाई टेवा पुग्ने शिक्षक नवराज सापकोटाले बताउनुभयो ।