न्यू किबोले अङ्ग्रेजी हस्तलेखन र फुटबल प्रतियोगिता गरेर मनायो गुड फ्राईडे

धादिङ,१९ बैशाख
धादिङको न्यु किबो बोर्डिङ स्कुलले शुक्रबारलाई विशेष बनाउदै बुक फ्री फ्राइडे मनाएको छ । बोर्डिङले आज बुक फ्री फ्राइडे अन्तरगत कक्षा १ देखी १० सम्म अङ्ग्रेजी हस्तलेखन प्रतियोगिता सन्चालन गरेको हो । अन्तरास्ट्रिय श्रम दिवसको अवसर पारी सुरु भएको किबो फुटबल कम्पिटिसन – २०८२ पनि शुक्रबार नै समापन भएको छ । ८ टिमको सहभागिता रहेको प्रतियोगितामा ब्रोदरहुड फुटबल क्लब (बि एफ् सी) प्रथम भएको छ । कम्पिटिसनमा फुटबल क्लब थन्डर्स (एफ् सी थन्डर्स) द्धितीय र किबो फुटबल क्लब (के एफ् सी)तृतीय हुन सफल भएको छ ।

विजेता टोलिलाई विद्यालयका प्रध्यानाध्यापक प्रयास रेग्मी,विद्यालय सन्चालक समितिका अध्यक्ष तथा विद्यालय डिरेक्टर काशिनाथ कोइराला, विधालय संयोजक सिताराम महत, विधालयको तेक्वान्दो प्रशिक्षक गौतम श्रेष्ठ र विधालय खेलकुद शिक्षक विनोद मगरको उपस्तिथिमा प्रमाणपत्र, मेडल र ट्रफी वितरण गरिएको थियो बोर्डिङका अतिरिक्त क्रियाकलाप संयोजक अनुप भट्टले जानकारी दिनुभयो । आज सम्पन्न भएको अङ्ग्रेजी हस्तलेखन प्रतियोगिताको नतिजा भने आईतबार मात्र आउने बोर्डिङले जनाएको छ ।