धादिङबेसीमा सन्चालन भएको दुर्गम क्षेत्रका पत्रकारहरुको क्षमता अभिवृद्धि तालिम सकियो

धादिङ,२९ माघ

दुर्गम क्षेत्रका पत्रकारहरुको क्षमता अभिवृद्धि तालिम तथा प्रेस प्रतिनिधि प्रमाणपत्र वितरण र अनलाइन सञ्चार माध्यम दर्तानविकरण घुम्ती शिविर धादिङबेसीमा सम्पन्न भएको छ । सूचना तथा प्रसारण विभागको आयोजना र नेपाल पत्रकार महासंघ धादिङको सहकार्यमा तालिम तथा शिविर सन्चालन गरीएको हो । शिविरमा २ अनलाईन दर्ता, २ अनलाईन नवीकरण, १८ जनाको प्रेस प्रतिनिधि प्रमाणपत्र वितरण गरिएको थियो ।

डा.विजय कुमार मिश्र र रामशुभक महतोले तालिममा सहभागी भएकाहरुलाई समाचारको आधारभूत ज्ञान, अन्तरर्वार्ता, मोबाईल जर्नालिजमका बारेमा सहजीकरण गर्नुभएको थियो । ३ दिने तालिममा ४४ जना पत्रकारहरुको सहभागीता थियो ।तालिमको एक कार्यक्रमको बिच नीलकण्ठ नगरपालिका नगर प्रमुख एवं नेपाल नगरपालिका संघका अध्यक्ष भीमप्रसाद ढुंगानाको प्रमुख आतिथ्यमामा सम्पन्न भएको थियो ।नेपाल पत्रकार महासंघ धादिङका अध्यक्ष सीताराम अधिकारीको अध्यक्षतामा सम्पन्न कार्यक्रम समानको अबसरमा सूचना तथा प्रसारण विभागका निर्देशक पुर्णिमा उपाध्याय, प्रशिक्षक डा. विजय मिश्र लगायतको आतिथ्यता रहेको थियो ।