पत्रकार महासंघ धादिङका अध्यक्ष अधिकारी सम्मानित

धादिङबेशी ।  नेपाल पत्रकार महासंघ धादिङका अध्यक्ष सीताराम अधिकारीलाई शनिबार सम्मान गरिएको छ । साना किसान सहकारी संस्था लि. कुम्पुरको २५ औ बार्षिक साधारण सभाको अबसरमा पत्रकार महासंघ अध्यक्ष अधिकारी सम्मानित हुनुभएको हो ।

पत्रकारिताको माध्यमबाट साना किसानका सवाल उजागर गर्ने अधिकारी महासंघको जिल्ला अध्यक्ष पदमा निर्वाचित भएकोले कृषि मन्त्री रामनाथ अधिकारीलेले सम्मान पत्र, दोसलल्ला ओडार सम्मान गर्नुभएको थियो ।

सोही अबसरमा कृषि सहकारी जिल्ला संघको अध्यक्ष पदमा निर्वाचित हुनुभएका रंग थपलियालाई समेत सम्मानित गरिएको थियो । थपलिया साना किसान सहकारी संस्था लि. कुम्पुरको संचालक समितिमा हुनुहुन्छ ।

साधारणसभाको मन्त्री अधिकारीले उद्घाटन गर्दै किसानले चाहिएजति मल पाउने व्यवस्था गरेको भन्दै कृषि सामाग्री संस्थान गजुरीमा ५ सय ७० टन युरिया र १ सय ४२ मेट्रिकटन डिएपि मल स्टक रहेको बताउनुभयो ।

२ हजार ५६ जना सेयर सदस्य रहेको सहकारीको ३९ करोड ३ लाख ७० हजार ७ सय ५३, रहेको छ भने १ करोड ५३ लाख १५ हजार सहकारीले नाफा गरेको छ ।