हामी सबैको कृषि तथा बहुउद्धेशीय सहकारी संस्थाको चौथो वार्षिक साधारण सभा सम्पन्न

धादिङ,३० भाद्र ।
त्रिपुरासुन्दरी गाउँपालिका वडा नं २ मा रहेको हामी सबैको कृषि तथा बहुउद्धेशीय सहकारी संस्था लिमिटेडको चौथो वार्षिक साधारण सभा सम्पन्न भएको छ ।

शनिबार सहकारी तथा कृषि शाखा प्रमुख कृष्ण प्रसाद भट्टराईको प्रमुख आतिथ्य तथा सल्यान्टार माविका प्रधानाध्यापक थान प्रसाद बसौलाको विषेश आतिथ्यतामा साधारण सभा सम्पन्न भएको हो ।

साधारण सभामा सहकारीका असली कर्जा, असल बचत कर्तालाई सम्मान र बाल बचत कर्ताहरुलाई स्टेस्नरी सामाग्री वितरण गरिएको थियो । त्यसैगरी किसानहरुलाई विउ विजन समेत वितरण गरिएको संस्थाका अध्यक्ष सुरेश कुमार श्रेष्ठले बताउनुभयो ।