नीलकण्ठ नगरपालिकाको स्थापना दिवसः ब्याडमिन्टन प्रतियोगिताको सेमिफाईलनको खेल हुदै

धादिङ,२४ बैशाख
नीलकण्ठ नगरपालिकाको स्थापना दिवसको अवसरमा आज व्याडमिन्टन प्रतियोगिताको भएको छ । जनप्रतिनिधि र कर्मचारी बिच मैत्रीपुर्ण प्रतियोगिता भएको हो । भोली गोरखा नगरपालिका र नीलकण्ठ नगरपालिकाको बिच मैत्रीपुर्ण फुटबल प्रतियोगिता हुने छ भने त्यस अघि ३ बजे नीलकण्ठ नगरपालिकाका कर्मचारी बिच म्युजिकल चियर प्रतियोगिता हुने भएको छ । नीलकण्ठ नगरपालिकाका नगर प्रमुख भीम प्रसाद ढंगानाले उद्घाटन गर्नुभएको व्याडमिन्टन प्रतियोगितामा १४ वटा टिमको सहभागिता रहेको छ ।

नेपाल सरकार (मन्त्रिपरिषद) को २०७१ साल बैशाख २६ गते नीलकण्ठ नगरपालिका घोषणा गरेको थियो । यहि दिनलाई स्थापना दिवस मनाउन लागिएको प्रमुख प्रशासकीय अधिकृत पुरुषोत्तम सुवेदीले जानकारी दिनुभयो । बिहान नकआउट चरणको प्रतियोगिता सम्पन्न भईसकेको छ । सेमिफाईनलको खेल अहिले चार बजेपछि हुने छ । जसमा पुरुषोत्तम सुवेदी र मेघनाथ कोईरालाको जोडी सँग डिल्ली लम्साल र गोकुल मगर जोडि बिच प्रतिस्पर्धा हुदैछ ।

त्यस्तै सरोज पाण्डे र सरोज तिवारीको जोडी सँग अनिल चापागाई र अलिन मैनालीको जोडी प्रतिस्पर्धा हुदैछ । महिला कर्मचारी बीच म्यूजिकल चियर प्रतियोगिता भोली अर्थात बैशाख २५ दिउँसो ३ बजे खुल्ला मन्चमा र नीलकण्ठ नगरपालिकाको जनप्रतिनिधिहरु÷कर्मचारीहरु र गोरखा नगरपालिकाको जनप्रतिनिधिहरु÷कर्मचारीहरु बीच मैत्रीपूर्ण फुटवल प्रतियोगिता भोली ४ बजेपछि खुल्ला मन्चमा हुदैछ ।