सल्यानटारमा कृषि प्रदर्शनी तथा ब्यापार मेला जारी, आज २० गते यी कलाकारहरु आउँदै

धादिङबेशी । धादिङको त्रिपुरासुन्दरी गाउँपालिका–२ मा प्रथम सल्यानटार कृषि प्रदर्शनी तथा व्यापार मेला जारी रहेको छ । ग्रामीण क्षेत्रमा आयोजित मेलामा स्थानिय उत्पादन सल्यानटारको मास,झुसे तेल, घैयाको चामाल खरिद गर्न र सांस्कृतिक कार्यक्रम हेर्नका लागी मानिसहरुको बाक्लो उपस्थिति देखिन्छ ।

आज २० गते मेलामा ख्याती प्राप्त कलाकारहरु गायिका गिता सेन्चुरी,संन्चिता चेपाङ,सुरेन्द्र फ्याली मगर र जादुगर बलराम सरकार आउने भएका छन् । प्रत्येक दिन संचालन हुने दिलाशा डान्स क्यूको प्रस्तुती आज पनि हुने आयोजकले बताएका छन् । प्रथम सल्यानटार कृषि प्रदर्शनी तथा ब्यापार मेलामा हरेक दिन डान्स आईडलको प्रस्तुति समेत भैरहेको छ ।

कृषि प्रदर्शनी तथा व्यापार मेलाको तेस्रो दिन आईतबार सुप्रिप मल्ल, सिताराम परियार, रितु तामाङ लगाएतका ख्याति प्राप्त राष्ट्रिय तथा स्थानिय कलाकारहरुले बेजोड प्रस्तुती रहेको थियो । मेलाको आकर्षण रुपमा रहेको स्थानीय उत्पादन, सल्यानटारको मास, झुसे, तिल, घैया लगायतका प्रदर्शनी र बिक्री गरिएकोे छ ।

हामी सवैको कृषि तथा बहुउदेश्यीय सहकारी संस्था लि.द्धारा आयोजित कृषि प्रदशनी तथा ब्यापार मेला यहि कात्तिक २७ गते सम्म संचालन हुँदै छ ।