सिरानबजार स्थित भासिएको मुलसडकमा मुख्यमन्त्रि जम्कट्टेलद्वारा निरीक्षण,तत्काल काम शुरु निर्देशन

धादिङ । धादिङको नीलकण्ठ नगरपालिका–३ सिरानबजार स्थित भासिएको मुल सडकमा बागमती प्रदेशका मुख्यमन्त्रि शालिराम जम्कट्टेलले निरिक्षण निरीक्षण गर्नुभएको छ ।

धादिङबेशीमा भएको एक कार्यक्रम समापन पश्चात स्थानियहरुको अनुरोधमा उक्त क्षेत्रको बागमती प्रदेशका मुख्यमन्त्रि शालिराम जम्कट्टेलले निरिक्षण गर्नु भएको हो । निरिक्षण संगै उक्त भासिएको सडकको मुख्यमन्त्री जम्कट्टेलले विपद् कोषको बजेटबाट तत्काल मर्मत गरिदिने बताउनु भएको छ । उहँले सडक भासिएर जोखिमपूर्ण अवस्था बनेकाले यस क्षेत्रमा थप क्षति हुन नदिन तत्काल मर्मतका लागि डिपिआर तयार गरेर पठाउन र काम सुरु गर्न प्रादेशिक सडक डिभिजन कार्यालय धादिङलाई स्पोट बाट नै निर्देशन समेत दिनुभएको छ ।

सडक डिभिजन कार्यालय धादिङका प्रमुख निरोज दाहालले दीर्घकालीन मर्मतको डिपिआर तयार गर्ने र प्रदेश सरकारलाई पठाउने प्रतिवद्धता ब्यक्त गर्नु भएको छ । दैनिक आवतजावत गर्ने मुख्य सडक भासिन थालेको आठ वर्ष हुँदा पनि दीर्घकालीन मर्मत नहुँदा उक्त क्षेत्रका स्थानियहरु चिन्तित भएका थिए । मुख्यमन्त्रि जम्कट्टेलले सडक मर्मत कार्य तक्काल सुरु गरिने प्रतिवद्धता जनाएपछि स्थानियहरु खुसी भएका छन् ।