व्याडमिन्टन प्रतियोगितामा धादिङका विष्णु लाल श्रेष्ठको जोडी प्रथम

कोशी प्रदेश स्तरीय व्याडमिन्टन प्रतियोगितामा धादिङका विष्णु लाल श्रेष्ठको जोडी प्रथम भएका छन् ।

धनकुटा जिल्ला व्याडमिन्टन संघको आयोजनामा चैत ८ देखि ११ सम्म सन्चालित कोशी प्रदेश स्तरीय तथा खुल्ला द्वितीय धनकुटा कप २०७९ अन्तर्गतको व्याडमिन्टन प्रतियोगितामा श्रेष्ठको जोडी प्रथम भएका हुन् ।

व्याडमिन्टन प्रतियोगिताको ६ ओटा विधा मध्ये उमेर समूह पुरुष युगल ५५ प्लस सुपर भेट्रान्स तर्फ चितवनका वुद्धि चौधरी, धादिङका विष्णु लाल श्रेष्ठको जोडीले काठमाडौंका दिल बहादुर कन्दङ्वा, भोजपुरका दान बहादुर तामाङको जोडीलाई २१–१२ र २१–१२ को सोझो सेटबाट पराजित गर्दै प्रथम भएका थिए ।