धादिङ सल्यानटारमा भीरबाट खसेर म्यादी प्रहरीको मृत्यु

धादिङ १६,कात्तिक । त्रिपुरासुन्दरी गाउपालिका सल्यानटारमा भीरबाट खसेर एक म्यादी प्रहरीको मृत्यु भएको छ ।
भीरबाट खसेर घाइते भएकी धादिङको त्रिपुरासुन्दरी गाउँपालिका वडा नम्बर १ सल्यानटारकी २१ बर्षिया भवानी खकुरालको उपचारको क्रममा मृत्यु भएको हो ।

उनी मंगलबार गस्ती जाने क्रममा भीरबाट खसेर घाइते भएकी थिइन् । घाइते खकुरालको उपचारका क्रममा सल्यानटार स्थित प्राथमिक स्वास्थ्य केन्द्र अस्पतालमा ज्यान गएको हो ।

म्यादी प्रहरीमा छनौट भएपछि उनलाई त्रिपुरासुन्दरी गाउँपालिकाको सल्यानटार स्थित इलाका प्रहरी कार्यालयमा खटाईएको थियो ।