अहिले लाइभ
नीलकण्ठ एफ.एम. ९८.५ मेगाहर्ज
धादिङको आफ्नै आवाज
0:00
धादिङको हर खबर,तपाईंको साथमा
धादिङको हर खबर,तपाईंको साथमा
कांग्रेसको देउवा पक्षीय समूह पनि समानान्तर महाधिवेशनको तयारीमा,धादिङ पनि खोलियो कार्यालय 
नेपाली कांग्रेसको १५औँ महाधिवेशनः केन्द्रीय महाधिवेशन प्रतिनिधिमा यामनाथ दनैको उम्मेदवारी
नेपाली कांग्रेस धादिङको १५औँ महाधिवेशनः धादिङ–२ (१) को सभापतिमा युवा नेता प्रकाश कुमार श्रेष्ठको उम्मेदवारी
धादिङ–२ ‘क’ बाट इन्जिनियर मोतीराम इटनी प्रदेश प्रतिनिधिमा निर्विरोध निर्वाचित युवा नेतृत्वमा कांग्रेसको नयाँ पुस्ता, धादिङ–२ (क) सभापतिमा प्रकाश श्रेष्ठ
कांग्रेसको १५औँ महाधिवेशनमा पेशागत विषय विज्ञतर्फ केन्द्रिय महाधिवेशन प्रतिनिधिमा डा. प्रताप छत्कुलीको उम्मेदवारी
धादिङबेशी । राष्ट्रिय स्वतन्त्र पार्टी (रास्वपा) धादिङ क्षेत्र नम्बर २ का उम्मेदवार बोध नारायण श्रेष्ठले जिल्लाको दीर्घकालीन विकास र समृद्धिका लागि स्पष्ट खाका सहित अघि बढ्ने बताउनुभएको छ । सोमबार बिहान धादिङबेशीमा आयोजित पत्रकार सम्मेलनमा बोल्दै उहाँले धादिङको समग्र विकासका लागि २० वर्षे रणनीतिक योजना र प्रतिबद्धता पत्र तयार पारेर कार्यान्वयनमा लैजाने योजना आफूले अघि सारेको जानकारी दिनुभयो ।
उम्मेदवार श्रेष्ठले हालसम्म धादिङ जिल्लामा दीर्घकालीन सोचसहितको रणनीतिक योजना नबनाइएकाले योजनाबद्ध विकास हुन नसकेको उल्लेख गर्नुभयो । “अब जिल्लाको विकास टुक्राटुक्रामा होइन, स्पष्ट लक्ष्य, नीति र प्राथमिकतासहित अगाडि बढ्नुपर्छ,” उहाँले भन्नुभयो, “त्यसका लागि प्रतिबद्धता पत्रमार्फत विकास र समृद्धिको खाका सार्वजनिक गरिनेछ ।”
श्रेष्ठले सामाजिक सुरक्षा कार्यक्रमलाई नागरिकमैत्री बनाउने, कृषि र पर्यटनको एकीकृत विकास, र विकासका योजनालाई सञ्जालीकरण (networking) गर्दै अगाडि बढ्ने आफ्नो मुख्य एजेन्डा रहेको बताउनुभयो । साथै, रिसर्च र इनोभेशनमा आधारित नीति निर्माण गरेर दीगो विकासको बाटो समात्ने उल्लेख गर्नुभयो ।
“सुसंस्कृत राजनीति नै समृद्धिको आधार हो,” उम्मेदवार श्रेष्ठले भन्नुभयो, “जनताको गुनासो, सुझाव र प्रश्न बुझ्न म गाउँ–गाउँ पुगेको छु । जनतासँग प्रत्यक्ष संवाद गरेर बनाइने नीति नै सफल हुन्छ भन्ने मेरो विश्वास हो ।” युनिसेफ नेपालमा १७ वर्षभन्दा बढी WASH (खानेपानी, सरसफाइ तथा स्वच्छता) अधिकृतका रूपमा कार्य गरेको अनुभव रहेको उल्लेख गर्दै श्रेष्ठले विपद् व्यवस्थापन, जलवायु परिवर्तन, नीति तथा प्रणाली निर्माणमा आफ्नो व्यावहारिक अनुभव जिल्लाको विकासमा उपयोग गर्ने प्रतिबद्धता जनाउनुभयो ।
पत्रकार सम्मेलनमा रास्वपा धादिङ क्षेत्र नम्बर २ का उम्मेदवार श्रेष्ठसँगै चुनाव परिचालन समितिका संयोजक डा. कृष्णमान शाक्य लगायत रास्वपाका नेता तथा कार्यकर्ताको उपस्थिति रहेको थियो ।
रास्वपाले जिल्लामा ‘जनसंवाद’ कार्यक्रम सञ्चालन गर्दै त्रिपुरासुन्दरी, ज्वालामुखी, नीलकण्ठ, गंगाजमुना लगायतका स्थानमा मतदातासँग प्रत्यक्ष भेटघाट गरिसकेको जनाएको छ । आगामी दिनमा पनि जनस्तरमै पुगेर संवाद र छलफललाई निरन्तरता दिने रास्वपाको तयारी रहेको उम्मेदवार श्रेष्ठले जानकारी दिनुभयो ।
स्थानीय मुद्दादेखि राष्ट्रिय सरोकारसम्म, भरपर्दो समाचार र जनताको आवाजलाई जोड्ने निलकन्ठ एफ.एम. र अनलाइन खबर पोर्टल ।
निलकन्ठ एफ.एम. (Neelkantha F.M.)
निलकन्ठ नगरपालिका-३, धादिङ्ग
बागमती प्रदेश, नेपाल
प्रेस काउन्सिल दर्ता न: ......
सूचना विभाग दर्ता नम्बर: .....
