चिल्ड्रेनपार्क माविद्वारा चार जिपिए ल्याउने प्रिसिला तामाङ सहित अन्य विद्यार्थीलाई सम्मान

धादिङ,१८ असार
धादिङबेसी स्थित चिल्ड्रेनपार्क माध्यमिक विद्यालयले एसईई परिक्षा २०८१ मा चार जिपिए ल्याउने प्रिसिला तामाङ सहित अन्य विद्यार्थीलाई सम्मान गरेको छ । मंगलबार विद्यालयको सभा हलमा एक कार्यक्रमका बिच एसईई पास हुने विद्यार्थी र उनका परिवारलाई बधाई तथा सम्मान गरेको हो ।कार्यक्रममा ४ जिपिए ल्याउन सफल प्रिसिला तामाङलाई नगद पुरस्कारद्वारा सम्मान गरिएको छ । विद्यालयको तर्फबाट नगद २० हजार र विद्यालयका प्रधानाध्यापक षष्टि कुमार श्रेष्ठको व्यक्तिगत १० हजार गरि नगद ३० हजारबाट सम्मान गरिएको थियो ।

चिल्ड्रेनपार्क आवासिय माध्यमिक विद्यालयबाट २०८१ सालमा एसईई दिई उत्तिर्ण भएका विद्यार्थीहरुलाई खादा,माला सहित सम्मान गरीएको थियो । चिल्ड्रेनपार्क आवासिय माध्यमिक विद्यालयबाट २० जनाले ३.६ देखि ४ जिपिए ३.२० देखि ३.६ जिपिए सम्म २० जना र २.८० देखि ३.२ जिपिए सम्म ५ जनाले ल्याउन सफल भएका छन् । कार्यक्रमकै अवसर पारेर विद्यालयले उत्कृष्ट विषय शिक्षकहरूलाई पनि सम्मानपत्रद्वारा सम्मान गरेको छ ।

लामो समयसम्म विद्यालयमा सेवा गर्नुभका २ जना शिक्षकलाइ सम्मान सहित बिदाई गरिएको छ । विद्यालय व्यवस्थापन समितिका अध्यक्ष विनोदमान श्रेष्ठको अध्यक्षतामा सम्पन्न भएको कार्यक्रममा शिक्षा विकास तथा समन्वय ईकाइ धादिङका प्रमुख भमीलाल शर्मा सुवेदीको प्रमुख आतिथ्यता रहेको थियो। कार्यक्रममा नीलकण्ठ प्रज्ञा प्रष्ठिानका अध्यक्ष बद्रीप्रसाद दाहाल,नीलकण्ठ बहुमुखी क्याम्पसका उप्रप्रध्यापक तथा साहित्यकार डा.नविन बन्दु पहाडी,जनप्रतिनिधि लगायतको आतिथ्यता रहेको थियो ।

कार्यक्रमलाई सम्बोधन गर्नुहुदै अतिथिहरूले चिल्ड्रेनपार्क आवासिय माध्यमिक विद्यालयले धादिङको शैक्षिक क्षेत्रमा ठुलो योगदान पुर्याएको भन्दै धन्यवाद व्यक्त गर्नुभएको थियो । साथै उहाँहरुले विद्यालयले विद्यार्थीहरुको मनोभावना बुझेर पढाउने शैली,विद्यालय व्यवस्थापन र शैक्षिक गुणस्तरमा ध्यान दिएर अगाडी बढेको भन्दै आगामी दिनमा पनि यस्तै सफलता प्राप्त गर्नको लागि विद्यालयलाई शुभकामना व्यक्त गर्नुभएको थियो ।

विद्यालयका प्रधानाध्यापक षष्टिकुमार श्रेष्ठले यस कार्यक्रममा विद्यार्थी, शिक्षक र अभिभावकबीचको सहकार्य र समन्वयलाई उदाहरणीय भन्दै धन्यवाद व्यक्त गर्नुभएको छ । विद्यालयलाई यो स्थानमा सम्म पुर्याउन सहयोग गर्नुहुने सम्पुर्णलाई धन्यवाद दिनुहुदै श्रेष्ठले आगामी दिनमा पनि यस्तै विश्वास र सहयोग गर्नको लागि आग्रह गर्नुभएको थियो ।