नेत्रावती डबजोङ–२ मा माघ २६ गत सोनाम ल्होछार विषेश सांस्कृतिक कार्यक्रम हुने

धादिङ, १६ माघ ।
नेत्रावती डबजोङ गाउँपालिका–२ मा सोनाम ल्होछार २८६१ औँ डुल (सर्प) वर्गको अवसरमा विशेष सांस्कृतिक कार्यक्रम हुने भएको छ । वडा नं २ को कार्यलयको आयोजना माघ २६ गते शनिबार धाराधिरीमा विशेष सांस्कृतिक कार्यक्रम हुने भएको हो ।

उक्त कार्यक्रममा बागमती प्रदेशका माननीय मुख्यमन्त्री बहादुर सिं लामाको प्रमुख अतिथ्यता रहने आयोजकले जनाएको छ । कार्यक्रममा सांस्कृतिक कार्यक्रमलाई आकर्षक र मनोरञ्जनात्मक बनाउनका लागि ख्यातिप्राप्त कलाकारहरूको प्रस्तुति रहनेछ ।

त्यसैगरी कलाकार युबी मंग्रेसा, गायिका मनमाया वाइबा, गायक शैलप वाइबा, तथा गायिका रितु तामाङले आफ्नो प्रस्तुति दिनेछन् । स्थानीय संस्कृति, परम्परा तथा मौलिक पहिचानलाई प्रवद्र्धन गर्न आयोजित यस सांस्कृतिक उत्सवमा सबैलाई उपस्थित भई कार्यक्रमलाई भव्य र सफल बनाउन वडा नं २ का वडा अध्यक्ष मिन बहादुर तामाङले बताउनुभयो ।