चुलीदेवी बचत तथा ऋण सहकारीको वार्षिक साधारण सभाको अवसरमा ४३ जनाद्धारा रक्तदान

धादिङ,२० असोज ।
चुलीदेवी बचत तथा ऋण सहकारी संस्था लिमिटेडको १८ औँ वार्षिक साधारण सभाको अवसरमा ४३ जनाले रक्तदान गरेका छन् । त्रिपुरासुन्दरी गाउँपालिका–२ विशालनगरमा भएको रक्तदान कार्यक्रममा ३१ जना पुरुष र १२ जना महिला गरि ४३ जनाले रक्तदान गरेका हुन्।

चुलीदेवी बचत तथा ऋण सहकारी संस्थाको आयोजनामा भएको रक्तदान कार्यक्रममा नेपाल रेडक्रस सोसाइटी रक्त संचार सेवा केन्द्र धादिङको प्राविधिक सहयोग रहेको थियो ।

धादिङमा अभियानकै रुपमा रक्तदान कार्यक्रम आयोजना गरिदै आएको छ । जिल्लामा रगतको अभावलाई न्युनीकरण गर्नको लागी विभिन्न मेला, पर्व, उत्सव, बार्षिक साधारण सभा लगायतको भेला हुने कार्यक्रममा रक्तदान कार्यक्रम राखि धादिङमा रगत संकलन गरीदैँ आएको छ ।