खहरेमा क्यामपस प्राध्यापकहरुका लागि चार दिने अनुसन्धान सम्बन्धि कार्यशाला गोष्ठी सम्पन्न

धादिङ,२३ असार ।
धादिङमा क्यामपस प्राध्यापकहरुका लागि चार दिने अनुसन्धान सम्बन्धि कार्यशाला गोष्ठी सम्पन्न भएको छ । त्रिपुरासुन्दरी गाउँपालिका वडा नं ७ खहरेमा रहेको नेत्रावति सामुदायिक क्याम्पसमा अनुसन्धान सम्बन्धि कार्यशाला गोष्ठी सम्पन्न भएका हो ।

नेत्रावती सामुदायिक क्याम्पस त्रिपुरासुन्दरी गाउँपालिका खहरेको आयोजना, बिश्वबिद्धालय अनुदान आयोग र त्रिपुरासुन्दरी गाउँपालिका– ७ को आर्थिक सहयोगमा भएको कार्यक्रममा नीलकण्ठ बहुमुखि क्याम्पस धादिङबेसि, सल्यानटार क्याम्पस, नेत्रावती बहुमुखि क्याम्पस र भिमोदय क्याम्पस गोरखाका प्राध्यापकहरुको सहभागिता रहेको थियो ।

विभिन्न क्याम्पसहरुमा अध्यानरत प्राध्यापकहरुको क्षमता अभिवृद्धि हुने उद्धश्यले आयोजना भएको गोष्ठिमा काठमान्डौबाट आउनु भएका प्रशिक्षक डा शकर खनाल, डा बिनोद दवाडि, डा बिजय लाल प्रधान, र शुधा मैनालिले सहजिकरण गर्नुभएको थियो ।

सहभागिहरुले कार्यक्रमा बोल्दै यस्ता कार्यक्रमले बिद्यार्थीहरुमा पढाउन र सिकाउन थप उर्जा थपिएको जानकारी दिनु भएको थियो ।

त्रिपुरासुन्दरी गाउँपालिकाका उपाध्यक्ष देबराज धरेल, वडा अध्यक्ष सुवास अधिकारि, क्याम्पस संचालक समितिका अध्यक्ष सुमन धरेलको आतिथ्याता रहेको कार्यक्रममा संचालक समितिका सदस्यहरु, विद्यालयका शिक्षक, शिक्षिका र स्थानिय बुद्धिजीवी समाजसेविहरुको उपस्थिति रहेको थियो ।