तिहार सभ्य रुपमा मनाउन प्रहरीको आग्रह, रातको ९ बजेपछि देउसीभैलो खेल्न नपाईने

नेपालीहरुको महान चाड शुभ दिपावलीको अवसरमा जिल्ला भित्र कुनै प्रकारको आतिसवाजी पटका,भुईचम्पा लगाएतका बिस्पोटक पदार्थ उत्पादन, भण्डार गर्नुका साथै विक्रि नगर्न जिल्ला प्रहरी कार्यलय धादिङले आग्रह गरेको छ । आज पत्रकार सम्मेलन गरि प्रहरीले सांस्कृतिक मुल्य मान्यता र शान्ति सुरक्षामा असर पार्ने कुनै पनि क्रियाकलाप नगर्न आग्रह गरेको हो । आज शुभ दिपावली तथा छठ पर्वको अवसरमा सुरक्षासम्बन्धी प्रहरी र संचारकर्मी्बिचको छलफल कार्यक्रममा प्रहरी उपरिक्षक राजकुमार वैदवारले यस्तो आग्रह गर्नुभएको हो । साथै त्यस्ता अमानविय क्रियाकलापले मानव निवनको स्वास्थ्यमा प्रतिकुल असर पार्नुका साथै यदि त्यस्तो कार्य भएमा कानुनी रुपमा कार्वाही हुने बताउनु भएको छ । दैउसी भैलो, नाचगान, जस्ता मनोरन्जनात्मक क्रियाकलापहरु गर्दा गराउँदा बेलुकाको ९ बजे सम्म मात्र सञ्चालन गर्न आग्रह गरिएको छ ।