धादिङको गाईजात्रा ‘दलका नेता सबै धादिङबेसीमा’

धादिङ, २५ साउन

दिवङ्गत आत्माको सम्झना र सामाजिक-राजनीतिक व्यङ्ग्यको अनुपम पर्व गाईजात्रा धादिङबेसीमा आज भव्यताको साथ मनाइएको छ। धादिङबेसी बीचबजार चोकबाट सुरु भएको जात्राले बजार परिक्रमा गरीएको छ । एक वर्षभित्र दिवङ्गत भएका आफन्तको सम्झनामा निकालिने परम्परागत सांस्कृतिक झाँकीहरूमा यस वर्ष पनि समसामयिक राजनीतिमाथि व्यंग्य गरिएको छ ।प्रत्येक वर्ष भाद्र कृष्ण प्रतिपदादेखि आठ दिनसम्म मनाइने यो पर्वमा टोलटोलबाट निकालिएका झाँकीमा राजनीतिक व्यङ्ग्य प्रमुख आकर्षण बनेको थियो।जात्रामा दलका मुख्य नेताहरुको तस्बिर अंकित मुकुण्डो लगाईएको थियो ।

एक वर्षभित्र दिवङ्गत भएका आफन्तहरूको सम्झनामा मनाइने पर्व हो। आजका दिन मृतकका परिवारले गाई वा बालकलाई गाईको रूपमा सिँगारेर नगर परिक्रमा गराईएको छ । यसो गर्नाले मृतकको आत्माले गाईको पुच्छर समातेर वैतरणी नदी तर्छ भन्ने धार्मिक विश्वास छ। जात्रामा सहभागीहरूलाई श्रद्धालुले दूध, फलफूल, रोटी र अन्य सामग्री दान गर्ने परम्परा रहिआएको छ।