४ हजार ६६८ नमुना परीक्षणमा जम्मा ७ जना संक्रमित,२५ जना निको

नेपालमा थप ७ जनामा कोरोना भाइरसको सङ्क्रमण पुष्टि भएको छ ।

गत २४ घन्टामा देशभर ४ हजार ६६८ कोरोना परीक्षण गर्दा ७ संक्रमित थपिएका छन् भने २५ संक्रमित निको भएको स्वास्थ्य तथा जनसङ्ख्या मन्त्रालयले जनाएको छ।

अब देशभर सक्रिय सङ्क्रमितको सङ्ख्या ७ सय ४७ जना मात्रै रहेको छ। देशभर २ हजार ८१९ आरटी पिसिआर परीक्षणमा ७ जनामा संक्रमण पुष्टि भएको छ भने १८ सय ४९ एन्टिजेन परीक्षणमा संक्रमित शुन्य रहेको छ।यस्तै संक्रमण कारण मृत्यु हुने पनि शुन्य रहेको छ ।

योसँगै नेपालमा हालसम्म कोरोना सङ्क्रमण पछि निको हुनेको सङ्ख्या ९ लाख ६५ हजार ८४७ पुगेको छ भने ११ हजार ९ सय ५१ जनाको मृत्यु भएको छ। देशभर आजसम्म ११ लाख १८ हजार ७५८ कोभिड संक्रमित भएको मन्त्रालयको तथ्याङ्कमा उल्लेख गरिएको छ।