बुधबार १३ कोरोना संक्रमित थपिदा ५७ जना स्वस्थ

धादिङ,२३ चैत।
नेपालमा थप १३ जनामा कोरोना भाइरसको सङ्क्रमण पुष्टि भएको छ ।गत २४ घन्टामा देशभर ४ हजार ८०७ कोरोना परीक्षण गर्दा १३ संक्रमित थपिएका छने भने ५७ संक्रमित निको भएको स्वास्थ्य तथा जनसङ्ख्या मन्त्रालयकी प्रवक्ता डा.संगिता मिश्राले प्रेस ब्रिफिङका क्रममा बताउनुभयो।

अब देशभर सक्रिय सङ्क्रमितको सङ्ख्या ७ सय ६५ जना मात्रै रहेको छ।देशभर ३ हजार ३५८ आरटी पिसिआर परीक्षणमा १० जनामा संक्रमण पुष्टि भएको छ भने १४ सय ४९ एन्टिजेन परीक्षणमा ३ संक्रमित थपिए।यस्तै संक्रमण कारण मृत्यु हुने शुन्य रहेको छ ।

योसँगै नेपालमा हालसम्म कोरोना सङ्क्रमण पछि निको हुनेको सङ्ख्या ९ लाख ६५ हजार ८२२ पुगेको छ भने ११ हजार ९ सय ५१ जनाको मृत्यु भएको छ। देशभर आजसम्म ११ लाख १८ हजार ७५१ कोभिड संक्रमित भएको मन्त्रालयकी प्रवक्ता डा.संगिता मिश्राले बताउनुभयो।