बर्डफलू नियन्त्रणबाहिर, विभागद्धारा पोल्ट्री निषेधाज्ञाको तयारी

धादिङ,२१ चैत।

कुखुराको सङ्क्रामक रोग बर्डफ्लू नियन्त्रण बाहिर गएको पशु सेवा विभागले बताएको छ ।

सङ्क्रमण बढ्दै गएपछि पशु सेवा विभागले पोल्ट्री निषेधाज्ञाको तयारी गरेको छ । भेटेरिनरी गुणस्तर तथा औषधि नियमन प्रयोगशालाले आज काठमाडौंमा गरेको सरोकारवालासँगको अन्तरक्रिया कार्यक्रममा पशु सेवा विभागका महानिर्देश डा .राम नन्दन तिवारीले बर्डफ्लू सङ्क्रमण नियन्त्रणबाहिर गएको बताउनु भएको हो ।

उहाँका अनुसार, गत माघदेखि प्रदेश १, मधेस प्रदेश, वाग्मती र गण्डकी प्रदेशमा बर्डफ्लूको सङ्क्रमण बढेको छ । हालसम्म हाँस, ब्रोइलर, लोकल, गिरिराज, लेयर्स, टर्की , काग ,प्यारेन्ट कालिज र लौकाटमा फ्लु पुष्टि भएको छ ।

देशका मुख्य सहरहरू मोरङ, काठमाडौं, सुनसरी, सिन्धुपाल्चोक, कास्की, उदयपुर, ललितपुर, भक्तपुर, पर्सा ,मकवानपुर,धनुषा र बारामा बर्डफ्लू सङ्क्रमण तिब्र गतिमा फैलिएको छ ।

पोल्ट्री व्यवसायीले समयमा नै विभागको सल्लाह मानेर पोल्ट्री लकडाउन जानुको विकल्प नभएको पनि उहाँले प्रष्ट पार्नुभएको हो ।