पिस फोर्स धादिङको अध्यक्षमा रमेश न्यौपाने

धादिङ,१३ चैत।
नेपाल परिवार दलको भातृ संगठन पिस फोर्स धादिङको अध्यक्षमा रमेश न्यौपाने निर्वाचित हुनुभएको छ।शनिबार धादिङबेशीमा सम्पन्न भएको पिस फोर्स धादिङको युवा भेला एवम प्रशिक्षण कार्यक्रमबाट न्यौपानेको अध्यक्षतामा ३१ सदस्यीय कमिटी निर्वाचित गरेको छ। कमिटी उपाध्यक्षमा क्रमसः पुजा थापा, रमेश तामाङ, सन्दिप सुनार, सचिवमा बालकृष्ण कोईराला, सह–सचिवमा सुनराम तामाङ कोषाध्यक्षमा सुचना अधिकारी, सह–कोषाध्यक्षमा आरति बागदास रहेका छन्। त्यसैगरी सदस्यहरुमा अस्मिता श्रेष्ठ, रिता अधिकारी, अन्जिता थापा , सिर्जना लम्साल, सविता नेपाली, पर्मिला रेग्मी, उर्मिला रेग्मी, सुदिप तामाङ , दिपेन तामाङ , एलिसा तामाङ , सन्दिप रिजाल, तारा विक, आयुसा श्रेष्ठ, रोजिना श्रेष्ठ, जोनाथन तामाङ लगायत अन्य ३१ सदस्यहरु कमिटीमा निर्वाचित हुनुभएको छ।

नेपाल परिवार दलको केन्द्रीय सदस्य वरिष्ठ समाजसेवी तथा अधिवक्ता विष्णु कुमार श्रेष्ठको प्रमुख आतिथ्यमा सम्पन्न भेलामा पिस फोर्सका कन्द्रिय अध्यक्ष रविन्द्र चौलागाई, अन्तर्राष्ट्रिय ख्याति प्राप्त यूवा अभियन्ता तथा दलका केन्द्रीय सदस्य जानुका गुरुङ, संगठनका केन्द्रीय सह–महामन्त्री तथा बाग्मति प्रदेश संयोजक दिपक सापकोटा,एकीकृत समाजवादीका निलकण्ठ नगरपालिका अध्यक्ष शिवराज सापकोटाको आतिथ्यता रहेको थियो। केन्द्रीय सह–महामन्त्री एवम् बाग्मति प्रदेश संयोजक दिपक सापकोटाले सहभागीहरूलाई अग्रपन्थि लोकतन्त्र दर्शन तथा राजनितिको वर्तमान स्थितिबारे प्रशिक्षण गर्नुभएको थियो।

कार्यक्रममा प्रमुख अतिथि श्रेष्ठले अग्रगामी विचार र नेतृत्वले मात्र आजको राष्ट्र हाँक्न सक्ने भएकाले यश दलका नेताहरुमा त्यो चिज रहेको साथै सेवाबाट रुपान्तरण हुने र असल नेतृत्व जन्मने भन्दै यस दलले यो कुरालाई अंगिकार गरेकाले परिवार दल छिटै स्थापित हुने विश्वास व्यक्त गर्नुभयो ।अर्का अतिथि अभियान्ता जानकी गुरुङले आफु नेपाल लगायत एसियामा लोकप्रिय हुदा पनि यस दलको नीति र भिजनले मात्र साँचो परिवर्तन हुने देखेकाले आबद्ध भएको साथै परिवर्तन पहिला आफु स्वयमबाट हुने भएकाले त्यो कुरामा चिन्तन गर्न सुझाउनुभयो।

अध्यक्ष चौलागाईले पदाधिकारीहरुलाई बधाई तथा शुभकामना दिदै अन्य दलहरु पस्चगामि र यथास्थितिवादी सोचमा चुर्लुम्म डुवेकाले परिवार दलको अग्रगामि विचार र अभियानमा जुट्नुपर्ने धारणा व्यक्त गर्नभयो। पुराना दलहरु बुढा रुखहरु जस्तै जिर्ण भएकोले तीनहरुले फल दिन नसक्ने र पुराना चिजलाई म्युजियमा सजाएर राखिनुपर्छ भन्दै यो दल सकारात्मक सोच विचार र जोस भएका युवा मैत्री पार्टी भएकाले देशभक्ति सम्पुर्ण यूवाहरुलाई संगठनमा आवद्द हुन आह्वान गर्नुभयो।

पुराना नेताहरुले मिठा– मिठा कुरा गरेर जनताहरुलाई भ्रम सिर्जना गरि युगौ सम्म देशलाई अन्योलताको भुरमिमा पार्न चाहेकोले उनिहरुलाई सजिलै विश्वाश गरेर मतदान नगर्न समेत सुझाउनु भयो। अब आफ्नो भविश्य आफैले कार्ने दिन आएको भन्दै नेपाल परिवार दलमा मात्र भविष्य भएको र यसले मात्र साँचो शान्ति र समृद्धि निर्माण गर्न सक्ने विश्वास व्यक्त गरनुभयो। आगामि चुनावमा पैसा र सम्पतिको दुरुपयोग गरेर निर्वाचनमा होमिने कुनै पनि नेताको झोला खोसेर स्थानीय विकास निर्माणका काममा लगाउनुपर्ने भन्दै सम्पूर्ण सदश्यलाई लाई आग्रह गर्नुभयो।

नव–निर्वाचित जिल्ला अध्यक्ष रमेश न्यौपानेले आफु पिस फोर्स धादिङ जिल्लाको जिम्मेवारी पाउँदा कृतज्ञा व्यक्त गर्दै सबै पालिकामा कमिटी विस्तार गर्ने प्रतिबद्धता जनाउनु भयो साथै आगामि हुने स्थानिय निर्वाचनमा जिल्लाबाट परिवार दलको उमेदवारलाई जिताउन हरप्रयास गर्ने बाचा गर्नुभयो। उक्त भेला कार्यक्रममा सभापतित्व नव–निर्वाचित न्यौपानेले गरेका थिए भने कार्यक्रम संचालन यसोदा अर्यालले गर्नुभएको थियो।