रिम्स नेपालको अध्यक्षमा शिवप्रसाद अधिकारी चयन

धादिङ, १८ असोज
स्रोत पहिचान तथा व्यवस्थापन समाज ९नेपाल० ९रिम्स नेपाल० को २९औँ साधारणसभा तथा १४औँ अधिवेशन सम्पन्न भएको छ ।गल्छी गाउँपालिका–६ स्थित संस्थाको कार्यालयमा आज सम्पन्न साधारणसभामा संस्थाको आर्थिक तथा प्रगति प्रतिवेदनमाथि छलफल गरिएको थियो ।अधिवेशनले आगामी तीन वर्षका लागि शिवप्रसाद अधिकारीको अध्यक्षतामा सात सदस्यीय नयाँ कार्यसमिति चयन गरेको छ । समितिको उपाध्यक्षमा प्रमिला पण्डित, सचिवमा चेतनाथ त्रिपाठी र कोषाध्यक्षमा शिला श्रेष्ठ चयन हुनुभएको छ । सदस्यमा निर्मला पाठक, रामबहादुर मिजार र रमेश उप्रेती रहनुभएको छ ।

यसैगरी अधिवेशनले रामलाल श्रेष्ठको अध्यक्षतामा तीन सदस्यीय लेखा तथा अनुगमन समिति गठन गरेको छ । गोपाल गैरेको संयोजकत्वमा तीन सदस्यीय कार्यक्रम विकास समिति पनि गठन गरिएको छ ।धादिङ जिल्लामा दर्ता भई सञ्चालनमा रहेको रिम्स नेपालले सामुदायिक विकासका विभिन्न क्षेत्रमा काम गर्दै आएको छ ।