धादिङ–१ बाट कांग्रेस महाधिवेशन प्रतिनिधिमा अधिवक्ता खिल गिरीको उम्मेदवारी

धादिङ, १३ असोज । अधिवक्ता खिल गिरीले नेपाली कांग्रेसको १५औँ महाधिवेशनअन्तर्गत धादिङ प्रतिनिधिसभा क्षेत्र नं. १ बाट केन्द्रीय महाधिवेशन प्रतिनिधि पदमा उम्मेदवारी दर्ता गराएका छन्। उनले खुलातर्फ उम्मेदवारी दिएका हुन ।

सिद्धलेक गाउँपालिका–४ का गिरीले कानुन व्यवसायसँगै सामाजिक क्षेत्रमा गरेको कामलाई अघि बढाउन उम्मेदवारी दिएको बताएका छन्। न्यायमा नागरिकको पहुँच र समाजसेवाका विषयलाई पार्टीभित्र पनि उठाउने उनको भनाइ छ। गिरिसंग ३५ बर्षको कानुन ब्यवसायको अनुभव छ ।

विसं २०८१ मा उनी नेपाली कांग्रेसको केन्द्रीय कानुन विभागको सदस्यमा मनोनीत भएका थिए।  गिरिले आफुलाई मतदान गरि सहयोग गर्न प्रतिनिधिहरुलाई अपिल गरेका छन ।