ज्वालामुखीमा म्याद गुज्रेका खाद्यवस्तु नष्ट

धादिङ,२५ साउन
धादिङको ज्वालामुखी गाउँपालिकाले बजार अनुगमनका क्रममा बरामद गरिएका म्याद गुज्रेका, गुणस्तर खाद्यवस्तु नष्ट गरीएको छ ।गाउँपालिकाले यसअघि बजार अनुगमनका क्रममा बरामद गरेका सामग्रीसँगै स्वास्थ्य शाखामा रहेका म्याद गुज्रेका औषधिसमेत नष्ट गरेको हो। अनुगमनका क्रममा बिस्कुट, चाउचाउ, चकलेट, तेल, चामल, सोयाबिन, मसला, भुजियालगायतका खाद्य सामग्री तथा पेय पदार्थ र अन्य उपभोग्य सामग्री बरामद गरिएको थियो।

गाउँपालिकाका स्वास्थ्य शाखा प्रमुख सुजन श्रेष्ठका अनुसार अनुगमनबाट बरामद गरिएका ५१ थरिका खाद्य तथा अन्य सामग्री नष्ट गरिएको छ।गाउँपालिकाले बजार अनुगमन निर्देशिका, २०७९ तथा सम्बन्धित कार्यविधिअनुसार बजार अनुगमन गर्दै आएको उहाँले बताउनुभयो।गाउँपालिकाका उपाध्यक्ष धर्मबहादुर अर्यालले नागरिकको स्वास्थ्यमा प्रतिकूल असर नपरोस् भन्ने उद्देश्यले नियमित रूपमा बजार अनुगमन गर्दै आएको बताउनुभयो। उहाँका अनुसार गाउँपालिकाले वर्षमा तीन पटकसम्म बजार अनुगमन गर्ने गरेको छ। गाउँपालिकाले बजारमा म्याद गुज्रेका तथा गुणस्तरहीन सामग्रीको बिक्री–वितरण रोक्न अनुगमनलाई निरन्तरता दिने जनाएको छ।