धादिङ बार एसोसिएसनको अध्यक्षमा अधिवक्ता रामचन्द्र भट्ट चयन

धादिङबेशी,२४ साउन । धादिङ जिल्ला अदालत बार एसोसिएसनको अध्यक्षमा अधिवक्ता रामचन्द्र भट्ट निर्वाचित भएका छन् । शनिबार बेनिघाट रोराङ गाउँपालिका–७, चैलीङ्ग सम्पन्न एसोसिएसनको ३८ औँ वार्षिक साधारणसभा तथा २१ औँ अधिवेशनले भट्टको नेतृत्वमा नयाँ कार्यसमिति चयन गरेको हो ।

अधिवेशनबाट उपाध्यक्षमा अधिवक्ता रामकृष्ण अधिकारी, सचिवमा अधिवक्ता खिल गिरी, कोषाध्यक्षमा अधिवक्ता गोपी अर्याल र सह–सचिवमा अधिवक्ता अम्बिका घिमिरे निर्वाचित भएका छन् ।

त्यस्तै, कार्यसमिति सदस्यमा अधिवक्ता विश्वराज अधिकारी, टंककुमार श्रेष्ठ र दिनेश दुवाडी चयन भएका छन् । धादिङ जिल्ला अदालत बार एसोसिएसन जिल्लामा क्रियाशील कानून व्यवसायीहरूको पेशागत संस्था हो ।

नयाँ कार्यसमितिले कानून व्यवसायीको पेशागत हकहित, न्यायिक क्षेत्रसँगको समन्वय तथा बार र बेन्चबीचको सम्बन्धलाई प्रभावकारी बनाउने विषयमा काम गर्ने अपेक्षा गरिएको छ ।