नेपाली व्यवसायी संघ बेल्जियमको अध्यक्षमा कासी दनै निर्वाचित

धादिङ,१५ बैशाख
नेपाली व्यवासायी बेल्जियमको आठौँ अधिवेशनबाट कासी दनै अध्यक्षमा निर्बिरोध निर्वाचित हुनुभएको छ । धादिङमा जन्मिएर बेल्जियममा व्यवसाय गर्दै आउनुभएका दनै लामो समयदेखी सामाजिक क्षेत्रमा पनि सक्रिय रहदै आउनु भएको छ । आठौँ अधिवेशनबाट उपाध्यक्षमा रमेश दाहाल,बाबुराम शर्मा र राजेन्द्र कार्की निर्वाचिन हुनुभएको छ ।

यसैगरी महासचिवमा भुवन सुवेदी,सचिवमा दिपेश सुवेदी,महिला सचिवमा रिचा गुरुङ,कोषाध्यक्षमा राज पुरी र सह–कोषाध्यक्षमा जितेन्द्र केसी निर्वाचित हुनुभएको छ । यसैगरी सदस्यहरुमा देबु श्रेष्ठ(लुभेन),उमेश घिमिरे)उन्तवेरपेन) रहनुभएको छ । यसैगरी खुल्ला सदस्यहरुमा राजु थापा,भरत जंग श्रेत्री,कुल बहादुर कार्की र सरोज आचार्य रहनुभएको छ ।

अध्यक्षमा निर्वाचित भएपछि अध्यक्ष कासी दनैले व्यवसायीहरुको हकहितको क्षेत्रमा काम गर्ने भन्दै संस्थालाई चुस्त र दुरुस्त बनाउने बताउनुभयो ।यस संस्थाले विगतदेखि नै बेल्जियममा रहेका नेपाली व्यवसायीहरूलाई एकताबद्ध गर्दै, सहकार्य र विश्वासको वातावरण सिर्जना गर्दै आएको छ।

आफ्नो कार्यकालमा हामी व्यवसायीहरूबीच अझ सुदृढ नेटवर्क निर्माण गर्ने, नयाँ पुस्तालाई उद्यमशीलतामा प्रोत्साहन गर्ने, र नेपाल तथा बेल्जियमबीच व्यापारिक सम्भावनाहरू विस्तार गर्ने दिशामा केन्द्रित हुने दनैले बताउनुभयो । हामी सबैको साझा लक्ष्य भनेको नेपाली व्यवसायलाई अन्तर्राष्ट्रिय स्तरमा प्रतिस्पर्धी बनाउनु हो। यसका लागि पारदर्शिता, सहकार्य र नवीन सोचलाई प्राथमिकता दिँदै अगाडि बढ्ने प्रतिबद्धता व्यक्त गर्नुभएको छ ।