आयरा रुवालीको जन्मदिनमा त्रिपुरासुन्दरी भजन समुहलाई भजन सामाग्री सहयोग

धादिङ,मंसिर ०४ गते ।
अमेरिका निवासी आयरा रुवालीको जन्म दिनको अवसरमा भजन सामाग्री सहयोग गरिएको छ । धादिङ नेपाली समाज अमेरिकाका अध्यक्ष तथा समाजसेवी टंक बहादुर रुवाली र हजुरआमा ज्ञान रुवालीको तर्फबाट नातिनी आयरा रुवालीको जन्मदिनको अवसरमा भजन सामाग्री सहयोग गर्नुभएको हो ।

नेपाली संस्कृति जर्गेना गर्न र जन्मदिनको उपलक्ष्यमा गरिने खर्च सामाजिक र धार्मिक कार्यमा सहयोग गर्ने परम्पराको सूरुवात गर्न सहयोग गरीएको टक बहादुर रुवालीले जानकारी दिनुभयो ।

गाउँपालिकाको पुरानो भजन समुह त्रिपुरासुन्दरी भजन समुहलाई १२ वटा खैंचडी, झुर्मा, कर्तल, मादल र सामान राख्ने बाकस सहयोग गर्नुभएको हो । नातिनी आयराको सुस्वास्थ्य तथा दिर्घायुको कामना सहित त्रिपुरासुन्दरी भगवती भजन टोलीलाई सहयोग गरिएको हो ।