केवलपुरमा सामूहिक राजीनामा, ६९ जनाले एमाले पार्टी छोडे

धादिङ, भदौ २४ ।
‘हत्यारा सरकार’ भन्दै धादिङको थाक्रे गाउँपालिका–१०, केवलपुरका ६९ जनाले सामूहिक रूपमा नेकपा (एमाले) पार्टी परित्याग गरेका छन्।

जेन जीको आन्दोलनलाई सरकारले अत्यधिक बल प्रयोग गरी बालबालिकाको हत्या गरेको आरोप लगाउँदै स्थानीयवासीहरूले एमाले पार्टी छोडेका हुन्।

उनीहरूले आन्दोलनप्रति ऐक्यवद्धता जनाउँदै पार्टीसँगको सम्बन्ध तोडेको घोषणा गरेका छन्।

एमाले छोड्नेहरू सबै पार्टीमा संगठित सदस्य रहेको जनाइएको छ। गाउँभरिका मानिसहरूको सामूहिक निर्णयका आधारमा पार्टी परित्याग गरिएको स्थानीयहरूले बताएका छन्।