तासको घर
धादिङबाट पोखरा जादै गरेको ईभी माईक्रोबस दुर्घटना अपडेटः मृत्यु भएका तीनै जनाको सनाखत
धादिङमा बढी भाडा असुल्ने Pathao तथा InDrive राइडरहरूविरुद्ध कारबाही
धादिङमा बेरुजु नियन्त्रणमा नीलकण्ठ नगरपालिकाको अग्रता, बेनिघाट रोराङ दोस्रो स्थानमा
धादिङमा परमेश्वरको मण्डलीद्वारा सरसफाइ तथा वातावरणीय सचेतना कार्यक्रम
भतिजको खुकुरी प्रहारबाट गम्भीर घाइते भएका वृद्धको उपचारको क्रममा निधन
धादिङ, जेठ १९ गते ।
धादिङको बेनीघाट रोराङ गाउँपालिकामा शिक्षक साटासाट (Teacher exchange) कार्यक्रमको समिक्षा कार्यक्रम गरिएको छ । विद्यार्थी केन्द्रित शिक्षण सिकाइको लागि संचालन गरिएको शिक्षक साटासाट कार्यक्रमको समिक्षा कार्यक्रम सम्पन्न गरिएको हो ।
गाउँपालिका अध्यक्ष कृष्ण बहादुर थपलिया (विवेक) को अध्यक्षतामा समिक्षा कार्यक्रम सम्पन्न भएको हो ।
शैक्षिक गुणस्तर अभिवृद्धि र नवीन अभ्यास प्रवद्र्धन गर्ने उद्देश्यले २०८१ साल पुस १६ गतेदेखि सात दिनका लागि पहिलो चरणमा उक्त कार्यक्रम सञ्चालन गरेको थियो ।
शिक्षकहरू बीचको अनुभव, सीप र शिक्षण शैलीको आदान–प्रदानमार्फत विद्यार्थी सिकाइमा सकारात्मक सुधार आएको प्रारम्भिक मूल्यांकन देखिएका गाउँपालिका अध्यक्ष थपलियाले जानकारी दिनुभयो। “शिक्षकहरूको सक्रियता र सकारात्मक ऊर्जा उत्साहजनक छ । यसलाई निरन्तरता दिने हाम्रो प्रतिबद्धता छ,” अध्यक्ष थपलियाले बताउनुभयो ।
गाउँपालिकाका प्रमुख प्रशासकीय अधिकृत नर्बदा घिमिरेले शिक्षकहरूले विभिन्न विद्यालयका पद्धति र सामग्री प्रयोगको अनुभव लिएर आफ्नो कक्षामा नवीन अभ्यास लागू गर्न सक्ने बताउनुभयो । “यसले विद्यार्थीमा चासो र सिक्ने अवसर सिर्जना गर्छ,” उहाँले भन्नुभयो ।
शिक्षक साटासाट कार्यक्रमले शिक्षणको गुणस्तर, शिक्षकहरूको क्षमता वृद्धि र विद्यार्थीको सिकाइ उपलब्धिमा प्रत्यक्ष योगदान पुर्याउने ठोस सम्भावना बोकेको शिक्षा शाखा प्रमुख बोधराज पाठकले उल्लेख गर्नुभयो। “यो पेशागत सिकाइको एक प्रभावकारी माध्यम हो, जसले शिक्षकबीच समन्वय र अनुभव आदान–प्रदानको अवसर दिन्छ,” पाठकले भन्नुभयो।
शैक्षिक वर्ष २०८० मा ३३ जना र २०८१ मा ४७ जना शिक्षकहरूलाई गाउँपालिकाभित्रका विभिन्न विद्यालयमा आवश्यकताका आधारमा साटासाट गरिएको थियो ।
