बहुविवाह मुद्दामा फरार रहेका नर बहादुर राना पक्राउ

धादिङ, २०८२ जेठ १६ । धादिङ जिल्ला अदालत धादिङबाट फैसला कार्यान्वयन अन्तर्गत कैद र जरिवानाको सजाय तोकिएपछि फरार रहेका बहुविवाह मुद्दाका प्रतिवादी नर बहादुर रानालाई प्रहरीले पक्राउ गरेको छ।

धादिङ जिल्ला अदालत धादिङको फैसला अनुसार एक वर्ष कैद र पाँच हजार रुपैयाँ जरिवाना सजाय तोकिएका राना फरार रहँदै आएका थिए। उनलाई खोजतलास गर्ने क्रममा इलाका प्रहरी कार्यालय सुनौलाबजार धादिङबाट खटिएको प्रहरी टोलीले  पक्राउ गर्न सफल भएको थियो ।

पक्राउ परेका रानालाई आवश्यक कानुनी कारवाहीका लागि सम्मानित धादिङ जिल्ला अदालत, धादिङमा बुझाइएको प्रहरीले जानकारी दिएको छ।

प्रहरी प्रशासनले कानूनको पालना नगरी फरार रहने अभियुक्तहरूलाई खोजी गरी पक्राउ गर्ने कार्यलाई निरन्तरता दिने जनाएको छ।