सिद्धलेकमा बाढी प्रभावित परिवारलाई राहत वितरण

धादिङ, २२ भदौ : गत भदौ १० र १३ गते त्रिशूली नदीमा आएको बाढीबाट प्रभावित सिद्धलेक गाउँपालिकाका पाँच घरपरिवारलाई गाउँपालिकाले अत्यावश्यक राहत सामग्री वितरण गरेको छ।

गाउँपालिका अध्यक्ष परशुराम खतिवडाको नेतृत्वमा प्रभावित परिवारलाई खाद्यान्न, त्रिपाल तथा बालबालिकाका लागि आवश्यक कपडालगायत सामग्री उपलब्ध गराइएको गाउँपालिकाले जनाएको छ।

बाढीबाट प्रभावित परिवारको तत्काल आवश्यकता सम्बोधन गर्ने उद्देश्यले राहत सामग्री वितरण गरिएको हो । विपद्का समयमा प्रभावित नागरिकलाई आवश्यक राहत, सहयोग तथा पुनःस्थापनामा गाउँपालिका निरन्तर साथमा रहने अध्यक्ष खतिवडाले बताउनुभएको छ।