नीलकण्ठको अमेरुवामा भएको सवारी दुर्घटनामा ३ जना घाईते

धादिङ,३ मंसिर
धादिङको निलकण्ठ नगरपालिका वडा नम्बर ८ अमेरुवामा भएको सवारी दुर्घटनामा ३ जना घाईते भएका छन् । धादिङबेशीबाट सल्यानटारतर्फ जादै गरेको बा४ख २७५९ नम्बरको ट्रक र विपरित दिशाबाट आउदै गरेको बागमती प्रदेश ०६–००१–६८४६ नम्बरको स्कुटर एक आपसमा ठोक्किएर दुर्घटना भएको हो । दुर्घटनामा परी ३ जना घाईते भएका छन् ।

घाईते हुनेहरुमा स्कुटल चालक नीलकण्ठ नगरपालिका वडा नम्बर ३ बस्ने बर्ष ३७ को हरि खनाल,स्कुटरमा सवारी नीलकण्ठ नगरपालिका वडा नम्बर ९ बस्ने गायत्री लम्साल र आईचर ट्रकमा सवारी चितवनका २० बर्षिय कृष्ण प्रजा रहेका छन् । घाईते मध्ये स्कुटर चालक हरि खनाल र स्कुटरमा सवार गायत्री लम्साललाई थप उपचारको लागि काठमाण्डौँ पठाएको जिल्ला प्रहरी कार्यालय धादिङका सूचना अधिकारी एवम प्रहरी निरिक्षक प्रल्हाद सिलवालले जानकारी दिनुभयो। आईचर चालक नीलकण्ठ नगरपालिका वडा नम्बर ११ बस्ने २९ बर्षिय चन्द्रमान शाक्यलाई प्रहरीले नियन्त्रणमा लिएको छ ।