धादिङबेशीमा हानबीको शाखा खुल्यो, जापान अध्ययनका लागि भाषा तथा परामर्श सेवा प्रदान गरिने

धादिङबेशी,१ जेष्ठ । जापान अध्ययनका लागि भाषा तथा परामर्श सेवा प्रदान गर्दै आएको Hanabi International Japanese Language Center ले धादिङबेसीमा आफ्नो नयाँ शाखा सञ्चालनमा ल्याएको छ । शाखा उद्घाटन कार्यक्रमका अवसरमा संस्थाले जापान जान इच्छुक विद्यार्थीहरूलाई लक्षित गर्दै भाषा कक्षा, परामर्श तथा विभिन्न सहजीकरण सेवा उपलब्ध गराइने जानकारी दिएको हो ।

हानबीका सञ्चालक दिपक कुमार श्रेष्ठको अनुसार काठमाडौँको चावहिलस्थित मुख्य कार्यालयमार्फत विगतदेखि सेवा दिँदै आएको केन्द्रले अब धादिङका विद्यार्थीलाई पनि सहज पहुँच दिने उद्देश्यले शाखा विस्तार गरिएको बताउनुभयो । उहाँले १२ कक्षा उत्तीर्ण गरी जापान जान तयारी गरिरहनुभएका विद्यार्थीका लागि निःशुल्क कम्प्युटर कक्षा तथा जापानी भाषा कक्षा सञ्चालन गरिने जानकारी दिनुभयो ।

त्यसैगरी, हानबीमा अध्यापनरत शिक्षक प्रितम श्रेष्ठको अनुसार शान्त वातावरण र सुविधा सम्पन्न कक्षामा अध्ययनको व्यवस्था गरिएको बताउँदै जापानमा उच्च शिक्षा हासिल गर्न चाहने विद्यार्थीलाई लक्षित गरी स्टुडेन्ट भिसा तथा एसएसडब्लु भिसासम्बन्धी कक्षा सञ्चालन गरिने उल्लेख गर्नुभयो । उहाँका अनुसार संस्थामार्फत जापानका कलेजमा प्रत्यक्ष आवेदन गर्न सकिने व्यवस्था रहेको छ ।

संस्थाले पछिल्ला वर्षहरूमा उच्च ‘सीओई’ सफलता दर कायम गरेको दाबी गर्दै जापान जान चाहने विद्यार्थीलाई आवश्यक परामर्श र सहजीकरण प्रदान गरिने जनाएको छ । धादिङमा शाखा विस्तारसँगै अब स्थानीय विद्यार्थीले राजधानी धाउनुपर्ने बाध्यता केही हदसम्म कम हुने अपेक्षा गरिएको छ ।