नेपाली कांग्रेसको केन्द्रीय अनुशासन समितिको सदस्यमा रमेश धमला चयन

धादिङबेशी, ३१ बैशाख । नेपाली कांग्रेसले धादिङमा पार्टीको पुर्व सभापती समेत भैसक्नुभएका नेपाली काग्रेसका नेता रमेश धमलालाई केन्द्रीय अनुशासन समितिको सदस्यमा चयन गरेको छ ।

पार्टीको केन्द्रीय अनुशासन समिति पुनर्गठन गरि बुधबार उहाँलाई सदस्यको जिम्मेवारी तोकिएको हो ।

पार्टी सभापति गगनकुमार थापाले कांग्रेसको विधान, २०१७ (संशोधनसहित) को धारा ३४ को उपधारा (७) बमोजिम गठित केन्द्रीय अनुशासन समिति पुनर्गठन गर्नुभएको हो ।

पुनर्गठन गरिएको समितिको संयोजकमा केन्द्रीय सदस्य तारामान गुरुङ र अन्य सदस्यहरुमा धना खतिवडा र बजरंग नेपाली रहनुभएको छ ।