शैक्षिक सुधारमा नीलकण्ठ नगरपालिकाः खुला प्रतिस्पर्धाबाट सामुदायिक विद्यालयमा प्रधानाध्यापकको छनौट गर्दै

धादिङ,१० कार्तिक
धादिङको नीलकण्ठ नगरपालिकाले सामुदायिक विद्यालयमा प्रधानाध्यापक छनोट गर्ने भएको छ । नगरपालिकाले शैक्षिक गुणस्तरमा सुधार ल्याउन खुला प्रतिस्पर्धाबाट सामुदायिक विद्यालयमा प्रधानाध्यापक छनोट गर्न लागिएको नीलकण्ठ नगरपालिकाका प्रमुख प्रशासकिय अधिकृत पुरुषोत्तम सुबेदीले बताउनुभयो ।
नीलकण्ठ नगरपालिकाले गत बैशाख महिनामा सार्वजनिक सूचनामार्फत सामुदायिक विद्यालयको प्रधानाध्यापक पदका लागि आवेदन माग गरेको थियो।गरपालिका भित्र रहेका ३१ जना शिक्षकहरुले आवेदन दिएका शिक्षा अधिकृत प्रकाशदत्त भट्टले जानकारी दिनुभयो। आवेदन दिएकाहरुको भोली(आईतबार र पर्सी(सोमबार) उम्मेदवारहरुको परिक्षा सन्चालन गर्न लागिएको हो ।नीलकण्ठ नगरपालिकाले एक सुचना प्रकाशित गरेर ११ र १२ गते हुने परिक्षामा सहभागी बन्नको लागि आह्वान गरेको छ । नीलकण्ठ नगरपालिकाले शैक्षिक गुणस्तर सुधार गर्नको लागि कक्षा १२ सम्मको शिक्षा निःशुल्क गरेको छ । माध्यमिक तहसम्मको शिक्षा स्थानीय तहको अधिकार क्षेत्रभित्र रहेकाले स्थानीय तहले आवश्यकता अनुसार शिक्षा ऐन र ऐन तथा छनौट सम्बन्धी मापदण्ड बनाएर यो कार्य अगाडि बढाएको शिक्षा अधिकृत प्रकाशदत्त भट्टले बताउनुभयो ।

प्रधानाध्यापक हुनका लागि ऐन तथा मापदण्डमा भएको मापदण्डका आधारमा खुला आवेदनमार्फत प्रधानाध्यापक छनोट गरिने शिक्षा अधिकृत भट्टले बताउनुभयो ।नगरपालिकाको ऐन तथा मापदण्डमा अनुसार आधारभूत तहमा प्रधानाध्यापक हुनका लागि आधारभूत तहको सरकारी दरबन्दी भएको र स्नातक तह पास भएको हुनुपर्ने छ भने माध्यमिक तहका लागि सरकारी दरबन्दी भएको र स्नातकोत्तर पास गरेको हुनुपर्ने व्यवस्था रहेको छ । वर्षौंसम्म एउटै व्यक्ति एउटै विद्यालयमा प्रधानाध्यापक हुने परिपाटीलाई स्थानीय तहले तोड्दै नयाँ ढङ्गले प्रधानाध्यापक छनोट गरेर विद्यालयको शिक्षा गुणस्तरमा सुधार ल्याउने उद्देश्यले प्रधानाध्यापकको नियुक्तिको प्रावधान ल्याइएको नगरपालिकाले जनाएको छ।