नगरपालिकाको टिम बिपद्मा प्रतिकार्यमा जुटिरहेका छौँ : प्रवक्ता श्रेष्ठ

धादिङबेशी । केहि दिनयताको अविरल बर्षाका कारण ठाउँ ठाउँको सडक अवरुद्ध भएपछि सडक सुचारु र उद्धारका लागी नीलकण्ठ नगरपालिकाको टिम अहोरात्र खटिरहेको नीलकण्ठ नगरपालिकाका प्रवक्ता प्रकाश कुमार श्रेष्ठले बताउनु भएको छ ।

नीलकण्ठ नगरपालिका वडा न ८ साघुटार नजिकै धादिङबेसी मलेखु सडकको क्वान्द्रे, कमेरे, ससाह ज्यामिरे लगाएतको स्थानमा पहिरोको कारणले सडक अवरुद्ध भएपछि आफुहरुले पहलकदमी लिई एकतर्फी सडक सुचारु गरिएको उहाँले बताउनु भयो ।

आज बिहान नीलकण्ठ नगरपालिका वडा न ७ मा एक घर पहिरोले जोखिम भएपछि आफुहरु गएर त्रिपाल लगाएतको सामाग्री उपलब्ध गराउँदै ब्यवस्थापन मिलाएको उहाँले नीलकण्ठ एफ.एम.लाई बताउनु भयो ।

उहाँले धादिङबेशीबाट साकोष जाने सडक पनि भासिएर जोखिम बढेको जानकारी प्राप्त भएको बताउनु भएको छ । त्यसैगरी नीलकण्ठ नगरपालिका वडा न ११ मा पनि पहिरोको कारण सडक अवरुद्ध बनेको छ । ठाउँ ठाउँमा पहिरोको कारण सडक अवरुद्ध बनेको र नगरपालिकाभित्र बिपद्मा परि कहि केहि थप क्षती नहोस भन्ने अभिप्रायले आफुहरु प्रतिवद्ध भएर तयारी अवस्थामा रहेको उहाँको भनाई छ ।

उहाँले नगरपालिकाभित्र कहि कतै बिपदको घटना भैहाले आफुहरुलाई तुरुन्त सम्पर्क गर्न समेत नगरबासीलाई आह्वान गर्नु भएको छ ।

नीलकण्ठ नगरपालिका विपद्को समयमा तपशिलको नम्बरमा सम्पर्क गर्न आह्वान गरको छ ।
नगर प्रवक्ता प्रकाश कुमार श्रेष्ठ: ९८५११००१४९
निमित्त फोकल पर्सन रोशन कोईराला : ९८४०००७२१६
नगर प्रहरी प्रमुख तेज बहादुर लामिछाने :९८४०३१२०३०
स्थानिय आपतकालिक कार्य संचालन केन्द्र :९८४१५३५५४१,०१०५२०५६८
जिल्ला आपतकालिन कार्य संचालन केन्द्र :०१०५२१४६४