वल्डलिङ्क गजुरी शाखाद्धारा वृद्धाआश्रमलाई सहयोग

धादिङबेशी । वल्डलिङ्क गजुरी शाखा द्धारा वृद्धाआश्रमलाई सहयोग गरिएको छ । गजुरी गाउँपालिका वडा न २ मलेखुमा रहेको भद्रकाली गुरुकुल वृद्धाआश्रममा रहेका बा आमाको लागी खाद्यान्न सहयोग गरिएको हो ।

आज कुशे औशी अर्थात बुवाको मुख हेर्ने दिनको अवसरमा आश्रममा रहेका बृद्ध बा आमालाई चामाल, नुन,तेल लगाएतका खाद्यान्न र फलफुल लगाएतको सामाग्री हस्तान्तरण गरिएको हो ।

आश्रममा हाल १२ जना वृद्ध,वृद्धा बा आमा बसोबास गरिरहनु भएको छ । सहयोग सामाग्री वल्डलिङ्क गजुरी शाखाका प्रमुख इशाहक पुडासैनीले हस्तान्तरण गर्नु भएको थियो । वल्डलिङ्कले सामाजिक उत्तरदायित्व अन्तरर्गत बिभिन्न स्थानमा सहयोग गर्दै आएको छ ।