नीलकण्ठ बहुमुखी क्याम्पसको छैटौं क्याम्पस सभा बैठक सम्पन्न

धादिङ,२६ साउन 
नीलकण्ठ बहुमुखी क्याम्पसमा कृषि विषयको पढाई सन्चालन गर्नुपर्ने कृषि तथा पशुपंक्षी मन्त्री रामनाथ अधिकारीले बताउनु भएको छ । कृषि क्षेत्रको प्रवद्र्धन गर्न सकेमात्र समृद्धी हुने भन्दै उहाँले नीलकण्ठ बहुमुखी क्याम्पसमा कृषि विषयको पनि अध्यापन गरानुपर्नेर्मा जोड दिनुभयो । नीलकण्ठ बहुमुखी क्याम्पसको क्याम्पस सभाको छैटौं बैठकलाई सम्बोधन गर्नुहुदै उहाँले सो कुरा बताउनु भएको हो । क्याम्पस सभालाई सम्बोधन गर्नुहुँदै कृषि मन्त्री रामनाथ अधिकारीले क्याम्पसको बृहत्तर हितको लागि भवन आभाव भएकोले जग्गा व्यवस्थापनको प्रक्रिया भइरहेको बताउनुभयो । उहाँले आगामी दिनमा नीलकण्ठ बहुमुखी क्याम्पसको भवन र छात्रावास निमार्ण गर्दै कृषि विषय पनि अध्ययापन गराउनुपर्ने जोड दिनुभयो ।

नीलकण्ठ बहुमुखी क्याम्पस जिल्लाकै उत्कृष्ट क्याम्पसनको रुपमा स्थापित भएको छ । क्याम्पस संचालक समितिका अध्यक्ष शम्भु कुमार श्रेष्ठको अध्यक्षतामा सम्पन्न भएको क्याम्पस सभामा कृषि तथा पशुपंक्षी विकास मन्त्री रामनाथ अधिकारीको प्रमुख आतिथ्यता रहेको थियो । प्रदेश सांसद गोविन्द लम्सालको विषेश आतिथ्यता सम्पन्न भएको कार्यक्रममा विभिन्न गाउँपालिकाका अध्यक्षहरु,वडा अध्यक्ष लगायत सरोकारवाला निकायका प्रमुख एवं प्रतिनिधिहरुको आतिथ्यता रहेको थियो ।
कार्यक्रमलाई सम्बोधन गर्नुहुदै प्रदेश साँसद गोविन्द लम्सालले नीलकण्ठ बृहुमुखी क्यापसको जग्गा व्यवस्थापन गर्नको लागि आग्रह गर्दै श्रोत व्यवस्थापन गर्न आफुहरु एकजुट भएर लाग्ने बताउनुभयो ।

कार्यक्रममा क्याम्पस प्रमुख नवराज शर्माले नीति तथा कार्यक्रमहरु प्रस्तुत गर्नुभएको थियो भने नीलकण्ठ बहुमुखी क्याम्पस आन्तरिक लेखा परीक्षण तथा सुपरीवेक्षण समितिका रोकेश धमलाले आर्थिक प्रवितेदन प्रस्तुत गर्नुभएको थियो। वि.स.२०५७ सालमा स्थापना भएको क्याम्पसका हाल ९ सय भन्दा बढी विद्यार्थीहरु अध्ययनरत रहेका छन् ।