झार्लाङमा नेतृत्व विकास तालिम

धादिङबेशी । खनियावास गाउँपालिका वडा नं २ कोखिममा समुह व्यवस्थापन तथा नेतृत्व विकास तालिम संचालन गरिएको छ । खनियावास गाउँपालिका वडा नं २ को वडा सदस्य बुधलाल तामाङ आतिथ्यतामा संचालन भएको नेतृत्व विकास सम्बन्धि २ दिने तालिममा १६ समुहका २२ जनाको सहभागीता रहेको छ ।

प्रयास नेपाल धादिङले आड्रा नेपालको साझेदारी तथा खनियावास गाउँपालिकाको समन्वयमा संचालनमा भएको उत्थानशील जिविकोपार्जन तथा खाद्य सुरक्षा सुढृढिकरण परियोजना कार्यक्रम अन्तरर्गत गठित समुहका पदाधिकारीहरुको लागि नेतृत्व विकास तालिम संचालन गरिएको हो ।

नेतृत्व विकास तालिममा नेता,नेतृत्व, नेतृत्वका गुणहरु, समुह, समुहको संस्थागत विकास, बैठक संचालन प्रक्रिया, समुहको पदाधिकारीहरुको काम, कर्तव्य,उत्तरदायित्व, समुहको निति नियमहरु लगायतका बिषयमा सहजकर्ता रेनुका रुपाखेती र प्रयास नेपाल धादिङका जेण्डर एसोसिएट शर्मिला गुरुङ सहजिकरण गर्नु भएको थियो ।