रुवी भ्यालीमा ऊनको टोपी,चकटी,राडि बनाउने सीप विकास तालिम संचालन

धादिङबेशी । रुवीभ्याली गाउँपालिकामा महिलाहरुको क्षमता बिकासको लागी एक महिने तालिम संचालन गरिएको छ । गाउँपालिकाका २२ जना महिलाहरुलाई ऊनको टोपी,चकटी,राडि बनाउने सीप विकास तालिम दिएको गाउपालिकाको सुचना अधिकृत सुष्मा तामाङले बताउनु भयो ।

उहाँले तालिम जेठ २६ गते देखि सञ्चालन भइरहेको बताउनु भयो । स्थानीय स्तरमा पाईने कच्चा पदार्थको प्रयोग गरि महिलाहरूको आयआर्जन बढाउने तथा संस्कृतिको संरक्षण गर्ने उदेश्यले उक्त तालिमको आयोजना गरेको हो ।

रूवी भ्याली गाउँपालिका उद्योग तथा उद्यमशिलता विकास शाखाको आयोजनामा सञ्चालित युवा स्वरोजगार कार्यक्रम अन्तर्गत ऊनको टोपी,चकटी,राडि बनाउने सीप विकास तालिमको आयोजना गरिएको हो ।