शिक्षा क्षेत्रको बजेट बनाउन ज्वालामुखीमा प्रधानाध्यापक र विद्यार्थीसँग राय सुझाव संकलन

धादिङ,२७ जेठ
ज्वालामुखी गाउपालिकाले शनिबार विद्यालयको प्रधानाध्यापक र विद्यार्थीसँग राय सुझाव संकलन कार्यक्रम सम्पन्न गरेको छ । आगामि आर्थिक बर्ष २०८१÷०८२ को निति कार्यक्रम तथा बजेट निर्माण गर्नको लागि गाउपालिकाले उक्त कार्यक्रमको आयोजना गरेको हो । ज्वालामुखी गाउपालिकाका अध्यक्ष याम नाथ दनैले नीति तथा कार्यक्रम बनाउदा शिक्षा क्षेत्रलाई पहिलो प्राथमिकता दिएर बनाउने उहाँले बताउनु भयो ।

शिक्षामा काम गर्ने मन हुदा हुदै पनि स्रोत र साधानको कमि भएको अध्यक्ष दनैले बताउनु भएको छ । नीति तथा कार्यक्रममा जे राखिन्छ त्यसमानै नै बजेट खर्च गर्ने उहाँको भनाई छ । ज्वालामुखी गाउँपालिकाका नागरिकहरुको लागि के गर्न सकिन्छ भनेर विभिन्न विज्ञ व्यक्तिहरुसँग छलफल गरीएको बताउनुभयो । नागरिकहरुको आवश्यकतामा आधारित बजेट बनाईने भन्दै उहाँले आगामी आर्थिक बर्षमा केहि नयाँ कार्यक्रम सन्चालन गर्न लागिएको पनि बताउनुभयो ।

कार्यक्रममा गाउपालिका भरिका आधारभुत तहका प्रधानध्यापक र विद्यार्थीसँग राय सुझाव संकलन गरिएको हो । विद्यालयमा स्रोत साधनहरुको सहि सदुपयोग नभएको भन्दै सहभागि विद्यार्थीहरुले आगामि आर्थिक बर्षमा गाउपालिकाले बनाएको नीति तथा कार्यक्रम राम्रोसँग कार्यन्वयन गनुपर्ने विद्यार्थीहरुले सुझाव दिएका छन् ।