न्यू किवो बोर्डिङ स्कुलमा गुड फ्राईडे : दुनाटपरी गास्ने र पलम्बिङ सम्बन्धि क्रियाकलाप

धादिङबेशी । कुनै समयमा वोर्डिङ स्कुल भन्ने बित्तिकै घोकन्ते बिद्या भनेर चिनिथ्यो तर अहिले त्यस्तो छैन । धादिङबेशी स्थित पुछारबजारमा रहेको न्यु किबो बोर्डिङ स्कुलले आफ्नो बिद्यार्थीहरुको लागी सैदान्तिक ज्ञानको साथै दैनिक जीवन उपयोगी,ब्यवहारिक शिक्षा प्रदान गरिरहेको छ ।

स्कुलले ब्यवहारिक शिक्षा प्रदान गर्न हरेक शुक्रबार गुड फ्राईडे भन्दै आफ्ना बिद्याथीहरुलाई जीवन उपयोगी,ब्यवहारिक शिक्षा प्रदान गरिरहेको हो । हाल बिद्यालयले स्काउटिङ,रेडक्रस,बिभिन्न क्लव लगाएतको माध्यमबाट समेत बिद्यार्थी भाईबहिनीको ब्यक्तिगत नेतृत्व तथा क्षमता बिकासमा टेवा पुग्ने क्रियाकलापहरु संचालन गरिरहेको देखिन्छ ।

अतिरिक्त क्रियाकलाप संयोजक अनुप भट्टका अनुसार यस हप्ताको शुक्रबार प्री– प्राइमरी तर्फ विभिन्न ड्रइङ तथा कलरीङ, प्राइमरी तर्फ नेपाली हस्तलेखन प्रतियोगिता र सिनियर तर्फ छात्राहरुको लागि दुनाटपरी गास्ने कार्यक्रम र छात्रहरुको लागि पलम्बिङ सम्बन्धि क्रियाकलाप सम्पन्न भएको छ ।

शुक्रबार पठनपाठन भन्दा पनि अन्य बाहिरी क्रियाकलाप गरि शुक्रबारलाई गुड फ्राईडे मनाएको विद्यालयका प्रिन्सिपल प्रयास रेग्मीले बताउनुभयो । विधार्थी भाइबहिनीहरुलाई शैक्षिक पाटो सङै व्यबहारीक, जीवन उपयोगी र प्रयोगात्मक पाटोलाई पनि जोड्न शिक्षाको क्षेत्रमा यस्ता किसिमको नया आयमको आवश्यक रहेकोले आफुहरुले सोहि अनुसार क्रियाकलापहरु संचालन गर्दै आएको प्रिन्सिपल रेग्मीले बताउनु भयो ।

पछिल्लो समय बालबालिकाहरुलाई मोवाईल फोन जस्ता नयाँ प्रविधिले एकोहोरो बनाईरहेको अवस्थामा बोर्डिङ बिद्यालयहरुले नै यसरी ब्यवहारिक,जीवन उपयोगी र प्रयोगात्मक शिक्षामा जोड दिनु सकारात्मक कुरा भएको बाल अभियानकर्ताहरुको बुझाई छ ।