युवा सँग उप–प्रमुख कार्यक्रम अन्तरगत सोमबार दुई वटा विद्यालयमा कार्यक्रम सम्पन्न

धादिङ,१५ जेठ
नीलकण्ठ नगरपालिकामा जारी युवा सँग उप–प्रमुख कार्यक्रम अन्तरगत हिजो(सोमबार) दुई वटा विद्यालयमा कार्यक्रम सम्पन्न भएको छ ।नीलकण्ठ नगरपालिका वडा नम्बर ५मा रहेको पन्चकन्या माध्यमिक विद्यालय र वडा नम्बर ६ मा रहेको भैरवी माध्यमिक विद्यालयलमा कार्यक्रम सम्पन्न भएको हो । युवाहरुलाई करियर परामर्श,नेतृत्व विकास तथा युवा सचेतना गराउने उदेश्यले कार्यक्रम सन्चालन गरीएको उप प्रमुख दिपक विश्वकर्माले जानकारी दिनुभयो ।कक्षा,१०,११,१२ र ४० बर्ष मुनिका युवाहरुलाई सहभागिता गराई नगरपालिका भित्रका २० स्थानमा कार्यक्रम सन्चालन गरीने उप प्रमुख विश्वकर्माले बताउनुभयो ।

वडा नम्बर ५ मा सम्पन्न भएको कार्यक्रममा वडा अध्यक्ष रामकुमार श्रेष्ठको अध्यक्षता रहेको थियो । नगर उप प्रमुख दिपक विश्वकर्माको प्रमुख आतिथ्यता रहेको कार्यक्रममा सामाजसेवी मनोज थापा लगायत विद्यालय व्यवस्थापन समितिका अध्यक्ष लगायत विद्यालयका प्रधानाध्यापकको आतिथ्यता रहेको थियो । यसैगरी वडा नम्बर ६ मा वडा अध्यक्ष भुपेन्द्र श्रेष्ठको अध्यक्षतामा सम्पन्न भएको कार्यक्रममा नगर उप प्रमुख दिपक विश्वकर्माको प्रमुख आतिथ्यता रहेको थियो ।

कार्यक्रमलाई सम्बोधन गर्नुहदै नगर उप–प्रमुख दिपक विश्वकर्माले देश विकासमा युवाहरुको महत्वपुर्ण भुमिका रहने भन्दै उहाँले युवाहरुमा जोश,जांगर र उत्प्रेरणा हुनुपर्ने बताउनुभो।देशको राजनीति परिवर्तनमा युवाहरुको महत्वपुर्ण भुमिका रहेको भन्दै उहाँले युवाहरुलाई हरेश नखाई आफ्नो गन्तव्यमा अघि बढ्नको लागि आग्रह गर्नुभयो ।सहभागीहरुलाई करियर परामर्श,मनोपरामर्श,नेतृत्व विकास र युवा सचेतना लगायतको विषयमा प्रशिक्षकहरु विकाश थापा,रामकुमार थापा,अमिशा धिमाल र पार्वती लामाले सहजिकरण गर्नुृभएको थियो । आज(मंगलबार) महेन्द्र माध्यमिक विद्यालयमा पनि युवा सँग उप प्रमुख कार्यक्रम सन्चालन हुदैछ ।