मनरुपी माध्यमिक विद्यालयमा मनोसामाजिक परामर्श कार्यक्रम सम्पन्न

धादिङ,९ जेठ
धादिङको नीलकण्ठ वडा नम्बर १३ का मनरुपी माध्यमिक विद्यालयमा मनोपरामर्श कार्यक्रम सम्पन्न भएको छ । मंगलबार नीलकण्ठ नगरपालिका वडा नम्बर १३ कार्यालयको आर्थिक तथा प्राविधिक सहयोगमा मनरुपी माध्यमिक विद्यालयमा अध्ययनरत ८,९ र १० का विद्यार्थीहरुलाई मनोपरामर्श सेसन सन्चालन गरीएको हो ।विद्यार्थीहरुलाई किशोर किशोरीहरुमा देखिने मनोसामाजिक समस्या के हो?समस्याको लक्षण,न्युनीकरणको उपाय,तनाव र रिस व्यवस्थापनको विषयमा मनोपरामर्शकर्ता रामकुमार थापाले सहजिकरण गर्नुभएको थियो ।

यसैगरी मंगलबारनै कक्षा ८,९ र १० का बालबालिकाहरुका अभिभावकहरुलाई पनि बालबालिकाका समस्या पहिचान गर्ने तरिका,बालबालिकाहरुमा देखिने मनोसामाजिक समस्याहरु के के हुन् ? र असल अभिभावकत्व कसरी निभाउने लगायतको विषयमा थापाले सहजिकरण गर्नुभएको थियो । वडा नम्बर १३ का वडा अध्यक्ष सोम बहादुर गुरुङको प्रमुख आतिथ्यतामा सम्पन्न भएको कार्यक्रममा कार्यापालिका सदस्य राम्री नेपाली,शान्ता थापा,विद्यालय व्यवस्थापन समितिका अध्यक्ष,शिक्षक अभिभावक संघका अध्यक्ष,विद्यालयका शिक्षक शिक्षिकाहरुको आतिथ्यता रहेको थियो । मनरुपी विद्यालयमा यसअघि पनि विद्यालय मनोपरामर्श कार्यक्रम सन्चालन गरीएको थियो ।